ثريد بقصة الحجر الصحي

الموضوع مش show off ولا اي اشي هيك

1

وصلت مطار الأردن الساعة 11 صباحاً

وكان كل اشي طبيعي مثل اي اجراء للسفر لحد ما اخذنا الشنتات

عند الخروج في ناس متجمعين وما حدا عارف شو في

وكل حدا بصرخ من جهة وبدو يمشي الدور من جهة

2 بعد الأسئلة لدكتور هناك طلع في قرار انو كل الي وصلو اليوم رح يتم وضعهم في الحجر الصحي -مش المنزلي-

كانت الأخبار بتحكي انو رح يكون الحجر في فنادق البحر الميت

طبعاً الناس بلشت تزاحم وما حدا التزم بالدور ولا بالتعليمات

انا وصديقي ضلينا واقفين وطلعنا من المطار طبيعي

3

طلعنا من ساحة ثانية للمطار وكان هناك باصات تابعة للجيش

طبعاً برضو الناس ما بدها تلتزم بالدور وكل واحد قاعد بخابط بالثاني

وهاد الاشي سيء لأنو هيك صار في اختلاط اكثر بين الناس

برضو مع شوية صبر انا وصاحبي ركبنا الباص الي رح يودينا على الفندق

4

وصلنا البحر الميت

في دوريات على الطريق

وقدام كل فندق في سيارة للدرك

فتنا الفندق عشان يتم حصر الاسماء واعطاء كل شخص غرفة

طبعاً برضو نفس القصة ما حدا بدو يلتزم بالدور

يعني الأنانية مش فاهم كيف هيك

خلي الأولوية للكبار بالسن والي معهم اطفال وبعدين انت ك شب او رجل خذ دورك

5

بعدت عن التجمعات كلها

وضليت برا الفندق لحد ما خفت الأزمة واخذت غرفتي وطلعت عليها والأمور تمام ولو كل واحد صبر كان اخذ المراد

لحد الآن ما تم عمل فحوصات او اي اجراء طبي