قبل لا تفكر تبدأ تطبيقك الالكتروني
من واقع تجربة، مش تجربة وحدة تجربة شركة في عالم البرمجة.
وش التحديات الي واجهتنا في عالم التطبيقات وكم خسرنا مبالغ ومديونيات وصلت تقريباً لمليونين بسبب اغلاط في البدايات
اذا كنت تفكر تفتح مشروع تطبيق احفظ هذا الـ #ثريد
@mkt_chess
أولا: لازم تعرف اذا جيت بتصمم وتبرمج تطبيق الكتروني، ان مايقل عن افتتاح محل تجاري و أوقات يكون السعر أعلى.
ثانياً: اذا كان ماعندك ميزانية للتسويق و البرمجة والدعم الفني على الأقل لسنة كاملة وحط ألف خط عليهم لا تفتح تطبيق.
ندخل في المهم ❌
ثالثاً: إذا قررت أنك تنشىء التطبيق وتوكلت على الله، لا تتحمس بزيادة وتقول أبغي أسوي ألف خاصية و أبغي و أبغي.
خذ ورقة وقلم وحط كل الخصائص الي تبغاها و اكتبها و ارجع لها بعد يومين ثلاثة و ضيف كل الخصائص الي طلعت معاك.
حلوين لهنا؟
رابعاً: بعد ما تكتب كل الخصائص، أنا متأكد أن الخصائص الي كتبتها كثيييرة. وش تسوي فيها؟
نرجع شوي ورى، أسأل نفسك وش فكرتي من المشروع؟ وش البزنس مودل للمشروع؟
سألت نفسك؟ ممتاز ??
ننتقل للخطوة الي بعدها
خامساً: قسم الخصائص لقسمين
أساسية و غير أساسية
الأساسية هي الي بتخلي التطبيق يسوي عملية كاملة ناجحة للتطبيق
مثال: تطبيق توصيل
الاساس ان يكون في قسم مطاعم وتختار الوجبة وتحدد اللوكيشن و تدفع و بكذا صارت عملية كاملة، في تفاصيل صغيرة غير اساسية مثل ابغي احط نظام محفظة، هذا غير اساسي
