للناس ال حبه تعرف الحوار ال داير بين
#روسيا و #اوكرانيا ده ثريد مهم?مقتبس بيشرح الحكايه،،
بص يا سيدي.. سنة 1991 اتفكك الإتحاد السوفيتي.. هتقولي ايه الإتحاد السوفيتي ده..
هقولك دول كانوا شلة كبيرة أوي عند روسيا والحتت دي وكانت وقتها يعني القوة العظمي اللي بتهدد العالم بقوتها ?
بس أمريكا وحلف الناتو فضلوا وراها لحد ما اتفككت ل15 دولة منهم اوكرانيا وروسيا بتوع دلوقتي..
هتقولي استني ايه الناتو دول كمان.. هقولك دول امريكا وبريطانيا وفرنسا وشويا دول كتير كدا عاملين دفاع مشترك.. تقدر تقول اوروبا وامريكا ضد الصين وروسيا وكدا يعني.. هارش،،?
قوم بقي الاتحاد السوفيتي اتفكك اه بس كله انتماءه لمين.. لروسيا طبعا وموسكو.. لحد ماهوب تقوم ثورة في اوكرانيا سنه 2014
ويقوم الناس مغيرين الرئيس بتاع اوكرانيا لواحد تاني موالي لمين.. ايوا كدا صحصح معايا.. موالي لحزب الناتو أمريكا وكده..?
تقوم روسيا تقولهم ولا ولا.. ناتو مين يلا.. الحته دي بتاعتي.. وتقوم تروح تقولهم انا كنت سايباكم بمزاجي بس طالما هندخل غريب وسطنا انا عايزة جزيرة القرم بقى..
هتقولي ايه جزيرة القرم دي.. هقولك بص الصورة اللي تحت هتعرف انها جزيرة كانت بين اوكرانيا وروسيا..? https://t.co/cHRmSUmepq
المهم اوكرانيا عيطت وراحت لامريكا.. خدوا مني الجزيرة يا أمريكا.. امريكا قالت لها بصي ما تقلقيش احنا معانا بولندا وسلوفاينا جيرانك في حلف الناتو.. روسيا ما تقدرش تعمل حاجة عشان احنا محاوطينها.. بص للصورة اللي في البوست وتخيل..
قوم روسيا قالت.. خيبة يا ولاد بقي ?
