ثريد حول مناعة القطيع Herd Immunity
طبعا اغلبنا مر عليهو المصطلح بتاع مناعة القطيع وانو واحدة من الحاجات الممكن تساهم في ايقاف وباء الكورونا الحالي..
وللأسف كتير من الناس البتروج للمصطلح دا بتقفز فوق تخمينات غير مبنية على حقائق علمية خصوصاً فيما يتعلق بمعرفتنا بالكورونا كفيروس..
طيب مناعة القطيع دي ببساطة المقصود منها انو اذا الاغلبية من الناس الفي المجتمع اكتسبت مناعة من المرض
(عن طريق الشفاء من العدوى او عن طريق التطعيم)
فسريان و انتشار الفيروس في المجتمع ح يقيف وتنتهي حالة الوباء..
النسبة المستهدف رفع مناعتها لتحقيق المفهوم دا بيسموها
عتبة المناعة Immunity Threshold
واللي هي بتختلف من مرض للثاني.
فمثلاً في حالة شلل الاطفال Poliomyelitis النسبة المطلوبة للقضاء على انتشار المرض تقريباً ٨٠٪،
وفي حالة الحصبة Measles حوالي ٩٠٪
فإذا قدرنا وصلنا نسبة الناس العندها مناعة للمرض للرقم المحدد بنقدر نتحكم في انتشاره،
و الطريقة دي كانت هي الاسلوب التم اتباعه في القضاء على الجدري smallpox اللي تم اعلان القضاء عليه نهائياً سنة ١٩٨٠ بواسطة التطعيم، واظنه اخر جيل اتطعم ضد المرض كان سنة ١٩٧٧ او ١٩٧٨ وكان التطعيم بيعمل اثر واضح في الذراع..
طيب بالنسبة للكورونا (كوڤيد-١٩) العلماء بيقولوا انو النسبة
المقترحة لتحقيق مناعة القطيع دي تقريباً ٧٠٪ طيب السؤال هنا؟
هل يمكن تحقيق مناعة القطيع في حالة الكورونا؟
الاجابة: لا نعلم.. ليه طيب؟
لأنو عشان انت تحقق مناعة القطيع محتاج حاجة من اثنين، اولاً اما يكون عندك تطعيم جاهز وفعال ضد المرض، ودا لحدي هسة ما قدرنا ننجزه و العالم كله شغال
