يقول الشاعر اعترافاً بالملك عبدالعزيز:
ياهل العيرات خلّوهن شلايل
يم أبو تركي تباريهن عبية
ما نطيع السوم من كل القبايل
مار خوفٍ منه جبناها هدية
قبل أمس متحدثة البيت الأبيض عن نبذ السعودية "بايدن لازال متمسك برأيه"
بعدها ب24 ساعة "الرئيس بايدن يعتبر السعودية شريك استراتيجي مهم"
=
رغم التبريرات والمناورات الإعلامية لتمهيد موقفه المتغير 180 درجة قدام شعبه…ما يهمني شخصياً وش يبرر ووش بيسوي i dont care
الي يهمني هالإنسان الداهية الي رغم أسوأ المؤامرات والدسائس وأكثرها خسة وشيطنة…كان مشغول بمتابعة مشاريع ضخمة ويدير اقتصاد بلد صاعد في وسط أزمات عالمية تاريخية
ويدير مكانتها على المسرح العالمي بثبات وثقة حتى في عز الهجوم يطلع في صحيفة عالمية ويعلنها “i dont care” في وقت كان الأغلب متهيأ ومتوقع انها راح تكون إجابات دبلوماسية عامة بسبب الضغط الجيوسياسي…لكن الي صار انه جلس شامخ على كرسيه في قصر السلام يستقبل شانئيه الي هم أنفسهم توعدوا
بإقصاءه وزجوا بعلاقات دولهم مع السعودية في المهالك بس لمواجهته أو على الأقل كبح جماح طموحه…لين زاروه وهم يبادرونه بالأحضان "جوّا مجلسه"
أتكلم كمغرد متابع للشأنين السياسي والاقتصادي…والله إني أشوف "هوايل" وأحلل مخططات قذرة بشكل شبه يومي…وأغلبكم يشوفها في تويتر وحملات الإعلام
الدولي…والله أشعر إن كل ما أُنهكنا أو ساد القلق…جاء الأمير محمد بموقف أو تصريح مثل الي يقول "قوموا ارفعوا روسكم لا يهمونكم"
تماماً مثل الأجواء الدولية قبل مقابلته الأخيرة في مجلة ذا أتلانتك
ونفس الوضع في كافة المجالات الأخرى…كل ماهدا مشروع أو منطقة…تتفاجىء بإعلان جديد عنها
