في ٣ من أخر ٤ مباريات لـ مانشستر يونايتد في البريميرليج قدر الفريق يسجل ٣ أهداف من رميات تماس.

والموضوع ده مش وليد صدفه ولكنه نتاج عمل مميز من جهاز سولشاير لإستغلال رميات التماس بأفضل شكل ممكن وفي الثريد ده هحاول أوضح ازاي مانشستر بيشتغل على مهاجمة مساحه معينه في رميات التماس..! https://t.co/5wjqo297gl

البدايه من مباراة مانشستر يونايتد ولييدز..

برونو وراشفورد قريبين من بعض جداً على حدود منطقة الجزاء وبتتم مراقبتهم عن طريق قلب دفاع ليبدز ولاعب ارتكازهم ومارسيال متواجد على حدود خط التماس..! https://t.co/owE3VaPduT

وفجأه برونو بيتحرك في اتجاه الرايه الركنيه وراشفورد بيتحرك في اتجاه مُنفذ رمية التماس علشان يسحبوا قلب دفاع وارتكاز لييدز.. https://t.co/zcjyrOFzs9

ونتيجة تحركات برونو وراشفورد بتتخلق مساحه كبيره أمام منطقة الجزاء بيتحرك فيها مارسيال القادم من أقصى يسار الملعب علشان يجد نفسه في مساحه كبيره جداً وفي نفس الوقت بيتم تنفيذ رمية التماس لـ مارسيال في المساحه دي.. https://t.co/PE7VLAz1ep

مارسيال بيوصل للكوره ويصنع منها الهدف لـ مانشستر يونايتد قصاد لييدز.. https://t.co/c0KlM3dWCO