عايز أحكي ليكم عن أعظم مراتب الحب اللي حدثت في التاريخ ، عن جزء صغير من قصة سيدنا "يوسف" عليه السلام ... و بالتحديد عن قصته مع "زوجة العزيز"
الموضوع كله ما موضوع إغواء من جانب ورفض من جانب آخر ، لكن عظمة القصة دي بيكمن في عُمقها.. في الحب اللي كان بيتفجّر من طرف واحد .حب إسطوري .. لأبعد الحدود.
طبعاً كلنا عارفين قصة "سيدنا يوسف" عليه السلام مع أخوانه اللي غدروا بيهو ورموه في البئر وافتعلوا قصة موته لأبوهم يعقوب مع الذئب وباعوه للتجار المصريين زيّ الرقيق ..
لغاية ما وصل مصر واشتراه عزيز مصـر .. تمام ؟
طيب يطلع منو عزيز مـصر ده كمان ..؟؟؟
المـصادر بتقول إنو كان إسمه "بوتيفار" ، وإنو زوجـته كانت سيدة جميلة جمال مبالغة فيهو واسمها : "زُليـخة" ..
الراجـل ده كان منصبه من أرفع المناصب في الدولة الوقت داك ،
يعني منصب زي الوزير كده، فا كان كثير الإنشـغال، وكان طـول الوقت بيقضيه خارج المنزل ، وكان طول الوقت مهموم بخدمة الملك،و أحوال الرعية ، وكمـان هو وزوجته ربنا ما كان رزقهم بالذُرية .
