ابكتبلكم عدة نصائح لتسهيل عملية الطبخ وبذل اقل مجهود او وقت ممكن فيها

وبنفس الوقت تسمحلك بطبخ اكلات صحية ومغذية ولذيذة "انت وشطارتك عاد"

وانا شخصياً طبقتها واستفدت منها وحقيقي فرقت معايا بتنظيم وقتي وأكلي وحتى الاستمتاع بالطبخ وتقليل مجهود ما بعد الطبخ من ترتيب وتنظيف ??

اولاً عشان تنفتح نفسك للطبخ ويسهل عليك الترتيب والتنظيف مهم تكون ثلاجتك مرتبة وفيه ادوات كثير تساعد تلاقيها بمحلات الاواني و بايكيا و بمواقع زي علي اكسبرس واسعارها متاحة للكل ??

ومهمة العلب ومنظمات الاكل لحفظ الاكل الفائض وحتنقذك لما تكون جوعان ومافيك حيل حتى تتنفس https://t.co/OXg3h3GCJ2

كمان تنظيم البهارات بحيث يكون مكتوب اسم البهار على العلبة او اهم شي تكون عارفها وما تضطر تشمشم علبة علبة عشان تلاقي الي تبغاه

+ مهم تكون قريبة من مكان الطبخ لاختصار الوقت والمجهود

وهنا منتجات وافكار لتنظيم البهارات ??

اكثر فقرة احبها بالطبخ هي فقرة البهارات ? https://t.co/3tCQVIFK0R

ثانياً وهذي اهم نصيحة (التجهيز المسبق للأكل) ايش يعني؟

بدل لا تفرم بصل وثوم وتقطع طماطم وتقطف بقدونس...الخ كل مرا تطبخ سوي كل هذي الاشياء مسبقاً

البقدونس والكزبرة والنعناع..الخ قطفها وحطها بعلب بالثلاجة

البصل والثوم والطماطم افرمهم وعبيهم باكياس او علب صغيرة وعلى الفريزر https://t.co/h1bWPIA8iH

حتنصدم من الوقت والمجهود الي حتوفره بهذي الطريقة ??

حتى الكوسة والجزر والبروكلي والبطاطس اقطعها واحطها بالفريزر اولاً عشان ما تخرب ثانياً عشان تسهل عليا الطبخ

على فكرة حتى الدجاج واللحم تقدر تتبلها وتفرزها لاكلات معينة زي الشيش طاووق والكباب الخ

وفيه فواكه وخضار مجمدة جاهزة?? https://t.co/45n3pq4xPo