في خبر حلو و مريح للأعصاب ومريح لساويرس بردو في اختبار قريبًا هيكون متوفر للأفراد في العالم كله الاختبار ده سعره تقريبًا هيكون متوفر ب 6 دولار... وفايدة الاختبار إنك هتعرف إنك مش بس معندكش كورونا لأ هتعرف أنت اتصابت قبل كده وخفيت وجسمك كون مناعة ولا لأ...

عينة دم تتحط و نقطتين لتلاتة من المعادل عليها و بعد 15 دقيقة فقط النتيجة بتظهر وده سريع جدًا مقارنة بالمسحات اللي بتغيب كذا يوم، لو مطلعش خط خالص فالاختبار محتاج يتعاد تاني، لو طلع خط على (CONTROL(C تعني إنك معندكش كورونا.. لو طلعلك C ومعاها (G) فجسمك عنده مناعة Ig G https://t.co/en1k948Ibj

لو خط على C و خط على M فأنت عندك كورونا إيجابي لسه جديد...

لو٣ خطوط على C G M فأنت يا إما جسمك كان عنده قريب وبدأ يكون مناعة ضد الفيروس ورايح للطريق السليم للتخلص منه... يا كان عندك من زمان وحصل عدوى جديدة عليها تاني وده نادر مش الغالب

ميزة الاختبار ده هي اللي ألمانيا عايزة تعمله إن اللي يثبت إنه عنده مناعة ضد الفيروس وتخلص منه ياخد شهادة ينزل بيها الشارع براحته ويشتغل و يتحرك و بكده الحياة ترجع تشتغل و الحظر يكون شغال بردو ???

ميزة كمان للاختبار ده هي الوقت ربع ساعة و الكلام إنه بعد ما يتأكدوا من فاعليته هيكون متوفر للأفراد ممكن يشتروه بعيد عن الدولة ب 6 دولار يعني 100 جنيه مصري...