✍️طبعا عارف حجر رشيد?طيب ايه علاقته بالسوريين والسودانيين?سمعاك ياللى بتقول اهبدى?

▪️المهم انت عارف ان الحجر اللي مكتوب ب٣ لغات واللي لقاه ظابط في الحملة الفرنسية على مصر وفك رموزه شامبليون في القرن ال١٩ .. جميل؟

عمرك سألت نفسك ايه اللي مكتوب اصلا عالحجر؟

بص يا غالي، النص زي https://t.co/OoJgpvOuM9

✍️٢/ زي ما خدنا في المدارس زمان اللي مكتوب ب٣ لغات هو عبارة عن رسالة تعظيم وشكر من كهنة "بتاح" في منف لبطليموس الخامس في يوم تتويجه، بيمجدوا فيه بمناسبة تنصيبه كملك على مصر، وبيشكروه فيه بسبب انه رفع عنهم الضرايب وحاجات من دي، دا النص، بس عشان تفهم السر ورا رسالة الشكر دي هحكيلك https://t.co/LrITYdDCvH

✍️٣/ حاجة هتعجبك، ركز معايا.

• البداية ..

سنة ٢٢١ قبل الميلاد، مسك مصر حاكم اسمه "بطليموس الرابع"، وهو سليل عائلة من اصل مقدوني جم لمصر مع الاسكندر الاكبر وحكموا فيها، هو رابع البطالمة يعني ومكنش بيحب امه "برينيكي" واخوه "ماجاس" ومش عايز وصاية من اي نوع، فا قرر يقتلهم عشان https://t.co/Trw0D7kTo2

✍️٤/يستفرد بالحكم، وعمل كدة فعلا في اول سنة من تتويجه وسمى نفسه المحب لابوه.

مبقاش فيه منافسين، فا عاش بعد كدة في ترف زايد عن الحد، نفض للحكم خالص وقال اعيش حياتي بقا، وعلى حس حياته الصاخبة دي بدأ يلم ضرايب كتير من الفلاحين المصريين اكتر من المعتاد، وده خلى الحل الوحيد للفلاحين https://t.co/GQeczEqfFE

✍️٥/ عشان ميدفعوش انهم يسيبوا الاراضي ويهربوا للاحراش او للمعابد عشان يستخبوا من الحرس، مفيش حل تالت، والفقرا ازدادوا فقر، والقرى بقيت متقدرش تعيش فيها من فقرها.

الضعف اللي كان حاصل في الفترة دي والتنفيض ده طمّع ﴿حاكم سوريا﴾ "انطيوخوس التالت" حاكم السلوقيين في التوسع على https://t.co/NxqUkcHLWX