هو ليه حتى لما بنخس الدهون بتاعة البطن aka كرش بتفضل معلقة ونبقى خسينا من كل أجزاء جسمنا بس البطن برضه معاندة ومغلسة ؟؟؟؟

عشان دهون البطن اللي بتسبب كرش ف الاغلب بتكون دهون ع الاحشاء من جوا مش دهون تحت الجلد

الدهون دي سببها الأساسي لخبطة الهرمونات اللي تسببت فيها السمنة والاكل الغلط ونمط الحياة الغلط

الدهون دي بتكون نشيطة وبتفرز هرمونات بتزود أصلا اللخبطة اللي موجودة

حل الكرش هو اننا نزبط الهرمونات ونسيطر عليها خصوصا الانسولين والكورتيزول

مي نعمل إيه بلاش رغي؟؟؟؟

-لو كارب قلل نشويات عشان تفضل مسيطر على مستوى الانسولين لأن الدهون دي أصلا بتعمل مقاومة انسولين

بلاش نشويات بالليل عشان أصلا بالليل إحنا بيكون عندنا قابلية اكتر للعك

بلاش نشويات يعني بلاش فاكهة، بلاش لبن، بلاش زبادي

حناكل إيه يعني؟

بروتين ودهون صحية

تونا، سردين، سالمون، بيض، جبنة قريش ومعاهم طبق سلطة خضرا حلو كدة

بلاش زبادي ولو يوناني متزودوش ونقلل فاكهة

-بلاش تشرب الكالوريز بتاعتك

العصير❌أيوة حتى الفريش اللي من غير سكر ده

المشروبات بتاعت ستاربكس المكونة من 9 كلمات❌

بلاش لبن كتير متزودش عن كوب لبن ف اليوم (250ملل) ولو تقدر تبدله بلبن لوز يبقى خير وبركة

مش اكتر من 2 ثمرة فاكهة ف اليوم ومش عايزة أكلم ع البطيخ ?

-صيام متقطع

بيحسن حساسية الانسولين وبيزود هرمون النمو

-نوم 6-8 ساعات بالليل بيفرق جدا ف زبط هورمون الكورتيزول والحد من دهون الاحشاء