ثريد ? : رودماب UI/UX

بما انه كم زول سألني ف الخاص ف قررت اعمل ثريد عشان الناس كلها تستفيد.

طيب اول حاجة لو ما بتعرف شي عن مجال "تجربة المستخدم و واجهة المستخدم" خش اقرى التويتة دي https://t.co/idt4JKCJLE ولو فاضي احضر الفيديو دا وتعال https://t.co/E1kyQwVloH.

ابدا اول بي ال UI ولا ال UX ؟.

ح تلقى اكتر من رودماب لي البداية في المسار دا بالنسبة لي شخصيًا بما اني جربت الطريقتين الاحسن انك تبدأ بال UX اول ، ليه ؟! لانه منطق منطق كدا مفروض تعرف "المستخدم عايز شنو " وكيف و ليه انت بتستخدم الالوان وال typography و ال

icons حتى تبدى تطبق مفاهيم ال UX في تصميمك ، زيادة على كدا مجال ال UX ممتع جداً بتتعلم تفهم الناس و اختياراتهم و المجال داخل في سايكولوجي و تاريخ و حاجات ممتعة جداً.

طيب من وين اتعلم ال UX ؟.

قوقل عاملة كورس كامل عن المجال دا متقسم لي ٧ كورسات ممتعة بمعنى الكلمة واحلى حاجة انه بعد تخلص ح يكون عندك شهادة احترافية من قوقل ح تكون اضافة قوية لل cv حقك اذا نويت تقدم على شغل.