-السيسى لازم يرحل

-ليه ياعم بس كده

-انت مش شايف حال البلد

-ماله حال البلد

-انت اعمى مش شايف الاسعار والدولار اللى سعره ارتفع والدعم اللى هيتشال كله عن الناس الغلابة اللى مش هيلاقو ياكلو شوفت كيلو اللحمة بكام ولا كيلو الفراخ ولا فاتورة الكهرباء ولا ولا السيسى خربها وقعد على تلها

- تصدق انك عبيط وجاهل

هو انت قومت بثورتين عشان تاكل و تشرب والاسعار تقل كده فى غمضة عين كنت فاكر الثورة هتذود دخلك وتعيشك بكرامة كده فى يوم وليلة

كنت فاكر ان مصر هتتحول لقطعة من الجنة من غير شغل وتعب واجتهاد وصبر وتحمل وجهد وعرق

كنت فاكر ان مش هيمر عليك اوقات صعبة جدااااا

وان خلاص الثورة قامت والعيشة هتبقى بغددة واخر دلع وكله بدلع نفسه

تعالى هفهمك حاجة

مصر دولة فاشلة خربانة عبارة عن كيان منهار اساسه ومكنش فاضل منه غير اطلال فى الشكل الخارجى مصر كل حاجة فيها بايظه بلا استثناء

مصر فسدت وانهارت على مدار 30 سنة بالقصد

كان مقصود ان يكون التعليم فاسد

ومتخلف ومفسد عشان يطلع اجيال متخلفة الفكر عقيمة الابتكار جاهلة بالعلم والتطور فاقدة القدرة على البناء

كان مقصود ان الصحة تنهار ويصاب المصريين بالفشل الكلوى والسرطان وفيروسات الكبد وكل الامراض المزمنة اللى هتستنفذ طاقة المصريين وتضيع قدراتهم

كان مقصود ان تكون الثقافة منحلة

فتفسد الاخلاق ويفسد الذوق العام وتسقط القيم الرفيعة امام الاجيال الصاعدة ويضيع القدوة الحسنة ويظهر قدوة بلطجى وحرامى والفهلوى والصايع اللى اصبح كبير المنطقة والكل بيحترمه ويصبح مثل للشباب

كان مقصود ان الصناعة تنهار وتفلس شركات قطاع الاعمال وتتباع المصانع العملاقة بتراب الفلوس