بما انه كورونا بيقرب ولحد دلوقتي مفيش أي دواء او مصل محدد فا مفيش في ايدينا أهم ولا أضمن من المناعة الجيدة لمواجهته، دي شوية نصائح سريعة وخفيفة لتقوية المناعة واللي حابب يضيف أو يعدّل أهلًا وسهلًا: https://t.co/MpQlBssQyl

١- نام كويس. ببساطة سيب التليفون من إيدك وطفي الأنوار وخلي جسمك في السرير بوضع مريح واسمع موسيقى هادية واتنفس بعمق ونام - نوم من ٧ ل ٩ ساعات متواصلة يوميًا في غرفة تهويتها جيدة وحرارتها مناسبة وبدون إضاءة أو أصوات مزعجة يساوي صحة أفضل وجهاز مناعة أفضل. https://t.co/DPh2XskouS

٢- خليك نضيف. ببساطة برده إغسل إيدك بالطريقة الصحيحة قبل ما تاكل، قبل ما تلمس وشك، وبعد أي نشاط استخدمت فيه ايدك في تلامس مع أي شىء حواليك. أه واستحمى كل يوم وقص ضوافرك باستمرار معلش الحجات دي مهمة وهتجنبك جزء لا بأس به من العدوى بالڤيروسات والبكتيريا.

https://t.co/mJvfZpQjMF

٣- اتحرك. اعمل أي رياضة ممكنة كل يوم مش لازم جيم. إمشي، إجري، إعمل تمارين بسيطة في البيت (زي اللي في الصور). مهم جدًا من ٣٠ ل ٦٠ دقيقة يوميًا رياضة بسيطة هتحسّن الدورة الدموية في جسمك وبالتالي كل الوظائف الحيوية هتكون أفضل بما فيهم المناعة. https://t.co/C97otniXGJ

٤- امنع التدخين. امنع السكر الأبيض والحلويات والمشروبات الغازية والعصائر الجاهزة. امنع مخبوزات الدقيق الأبيض. قلل الأكل المصنّع بكل أنواعه. فيه عدد لا يحصى من الدراسات اللي أثبتت قد ايه الحجات دي كلها بتأذي الجسم عمومًا والجهاز المناعي تحديدًا وبتضعف قدرته على مقاومة الأمراض. https://t.co/hPOCFARcEJ