" Creative "

كثير أشخاص معروفين إنهم مبدعين بأفكارهم، يجيبلك شي من زاوية مختلفة، يصدمك بالفكرة الرهيبة اللي جابها سواءً كانت فكرة، تصميم، محتوى، أغنية، اللي هو ..

كيف تصير شخص مبدع و Creative ؟

شي من ربي ولاّ تقدر مع الوقت ؟

فضّل هالتغريدة وراح أعطيك كم خطوة بتفيدك ??

قبل أقولك الخطوات، لازم تعرف إن مافي أحد طلع من بطن أمه مبدع !

ولازم تعرف بعد إنك تقدر تصير شخص مبدع وتصنع شي يجمّل ويسمّع لكن هالشي يحتاج إنك تحارب، يبيله وقت وتجارب ..

إنسى إنك تصير مبدع في يوم وليلة، وإذا ودك ركز باللي بقوله لك، وصدقني رحلتك لين تصير مبدع ما بتكون طويلة ..

أول شي:

غذّي عقلك ..

شوف أفلام، مسلسلات، إعلانات، برامج !

يمكن بتقول ليه ؟

تأكد إنك كل ما شفت أكثر كل ما دخل مخك معلومات ومخزون أكبر، يمكن إنت ما تركز فيها ١٠٠٪ لكن عندك عقل باطن يخزّن كل شي!

وفي وقت الإنتاج بتنتج من المخزون اللي محفوظ بعقلك .. غير إضافاتك الرهيبة ??

ثاني شي:

تابع أشخاص مبدعين في مجالك، كل فكرة رهيبة يطلعونها حاول تفهمها وتفكّر كيف فكّر فيها !

لا تكتفي بإنك تتابعهم، تعرّف عليهم، قابلهم، قول له: بتعلم منك .. عادي ما فيها شي ! وعلى فكرة تراه ينبسط بس يمكن ما يقول لك ?

وتذكّر أن من خالط قوماً ٤٠ يوم صار منهم ??

ثالث شي:

اشطح، ايه اشطح!

كل ما فكّرت بشي طبيعي وما شطحت معناها إنك جبت شي غير مستغرب على الناس ولا راح يشدهم ..

بالبداية لا جيت تفكّر، اشطح، جب شي غريب، فكّر بأشياء حلوة وغير منطقية بس تلفت انتباه الكل .. إذا عجبت اللي حولك .. رتّبها ?

احذف منها شوي شوي لين تصير شاطحة منطقية