النهاردة هنتكلم عن أول الخُلفاء الراشِدين الصحابي الجليل المُكّرم من الله سبحانه وتعالى ...ثم من النبي مُحمّد صلّ الله عليه وسلّم ...هنتكلم عن أبو بكر الصّدِيق رضي الله عنه وأرضاه ...والحقيقة إن يتعمل سرد عن صحابي في مقدار أبو بكر هو بمثابة تحدي كبير وربنا المُعين...تعالوا نشوف? https://t.co/I2iKVHQUzo
الحقيقة سلسلة الخلفاء الراشِدين اللي هنبدأها النهاردة من السرد دا هي سلسلة عظيمة لها فوائد كبيرة للغاية وعايز اقولك انها مش سلسلة سهلة الكتابة خاصةً إنك هتلاقي دايماً أحاديث نبوية شريفة باستمرار هنا وفي باقي السلسلة ?
وصحابي جليل زي ابو بكر الصديق اللي هو أول الخلفاء الراشِدين مش من السهل أبداً إن أي حد ولا انا ولا انت ولا أي حد بصراحة يكتب عنه...لأن الكتابة عنه بمثابة تحدي كبير زي ما قولتلك في بداية السرد....مين انا علشان اكتب عنه ولا اوصّل حتى جزء واحد من فضله على الأمة الإسلامية كلها?
إسم ابو بكر الصديق هو : عبدالله بن أبي قُحافة عثمان بن عامر بن عمرو بن كعب بن سعد بن تيم بن مُرة بن كعب بن لؤى بن غالب القُرشي التيمي ...
هو يلتقي مع النبي مُحمّد صل الله عليه وسلم في (مُرّة) ?
أما (العتيق) فهذا هو اللقب الأول لأبي بكر فهو ليس إسمه كما قال البعض بل لقبه ...ولُقّب أبو بكر بالعتيق لعتقه من النار والذي أعطاه هذا اللقب هو الرسول صلى الله عليه وسلّم فقال: ((من سرّه أن ينظُر إلى عتيق من النار فلينظُر إلى أبي بكر)) ?
