خرج -من الcomfort zone- و لم يعد ?

"ده اول قرار في حياتي اخده من غير ما حد يضغط عليا"

انا شفت الفيلم ده يمكن اكتر من ١٠٠ مرة، و الجملة ديه عدت عليا ٩٩ مرة منهم، لحد ما اخدت بالي ان هي ديه عقدة الفيلم…

رحلة عطية من واحد مدفون بالحيا… لميِّت عايش حياته?? https://t.co/QsIqem8V2D

"خرج و لم يعد" مش فيلم عن الخروج من المدينة وجمال الحياة (و الأكل!) في الريف، ابسولوتلي!

الفيلم بيتكلم عن حاجة اهم: "الحياة قصيرة.. عيشها على مزاجك… مزاجك انت!"

حدوتة بسيطة و من غير فلسفة كتير، بس ممكن جداً تشوف نفسك أو حد تعرفه فيها… خليك معايا ??

عطية في اول الفيلم شخص بائس، على الرغم من انه -بالورقة و القلم- المفروض يكون سعيد: مترقي في شغله، خاطب، ساكن في القاهرة (بعيد عن الأرياف اللي مابيحبهاش) و يعتبر غني (عنده ارض في البلد)

يعني بمفاهيم النهاردة عنده Career, Relationship, Lives in the City and owns property!

Goals?

اللي بنعرفه بعد كده ان كل الحاجات ديه مكانتش من اختياره هو…

• خطيبته كانت اختيار والدته
• وظيفته مكمل فيها عشان يحقق حلم والده انه يبقى مدير عام (بعد عشرين سنة!)
• حتى بيته، مش عايز يسيبه بسبب نصيحة من أمه زمان

و عشان كده هو مش سعيد بأي نجاح يحققه في الحياة ديه (مع انه مكمل فيها)، كل ما تبص في وشه، هتلاقي عليه تعبير استياء و قرف، سواء في بيته او في شغله او في حياته مع خطيبته… https://t.co/yNp0oZR6t3