في الفلسفة اليونانية القديمة كانوا بيؤمنوا أن احنا عايشين في نسخة غير مكتملة من العالم الحقيقي True World وعلشان كده دايما بيلازمنا شعور بالنقصان وأن كل حاجة بنختبرها أو بنستخدمها غير مكتملة.. https://t.co/NZiBy0Rrpn

المتدينين من الفلاسفة كانوا شايفين أن العالم الحقيقي اللي هنشعر فيه بالاكتمال ده هو الحياة بعد الموت، وغيرهم كانوا شايفين أن العالم الحقيقي لا يمكن الوصول إليه واحنا عايشين في نسخة من النسخ الكتير اللي شبهه.

أيا كان، مش هنقدر نختلف أن الشعور بالنقص ده هو السبب في تطور الجنس البشري وبيمثل دافع من دوافع الحياة.

في القرن العشرين جيه فيلسوف أمريكي اسمه ديفيد لويس David Lewis قال مفيش حاجة اسمها عالم واحد حقيقي، الكون بيتكون من عدد لا نهائي من العوالم الممكنة واحنا عايشين في واحد منهم.. https://t.co/XTDMDOK2mA

كل العوالم دي "ممكنة" بس برضه كلها "حقيقية". يعني إيه الكلام ده؟ لويس بيقول أن موضوع عالمنا ده هو الواقع ولا لأ بيعتمد على وجهة النظر اللي بنشوف منها العالم..

يعني مثلاً لو افترضنا أن فيه واحد اسمه عليوة وبيشتغل سواق أتوبيس، عيلوة كان حلم حياته يشتغل محاسب بس ماعرفش.. فبالنسبة لـ"عليوة سواق الأتوبيس" العالم اللي هو شغال فيه سواق أتوبيس ده العالم الواقعي والعالم اللي بيشتغل فيه محاسب ده العالم الممكن،