في وجهة نظر محترمة جدا بتتكلم عن فرعون موسى وعجبتني بصراحة وحابب انقلهالكم تقرأوها معايا ...

من حوالي ٢٠٠ سنه عرفنا ما يسمى بالفراعنة كألقاب للمصريين القدماء وده خطأ وكذبة اخترعها المؤرخين والاثاريين الاجانب ارضاء لليهود . https://t.co/OUdwe3kAy6

اليهود استخدموا التوراة الإنجيلية أو اليونانيه كمرجع تاريخي ف نجحوا في ده وبقينا بنلجألهم وبنقول تاريخنا زي ما بيقولوا ، حتى بقينا نحرف الحقائق علشان نرضيهم وتتماشى مع كتابهم مع انها مغلوطه سواء تاريخ أو جغرافيا حتى مش بتتناسب مع المنطق .

هنشوف كلمة فرعون هل هي لقب ام اسم .

وحسب معجم الحضارة المصرية أن المؤرخين الاجانب والمختصين في علمنا أو علم المصريات نقلوا لفظ فرعون عن التوراة.

نرجع بالزمن شوية عند فك رموز حجر رشيد اليهود ضغطوا على الأثريين بضرورة وضع فرعون من ضمن ملوك مصر القديمه ومنهم عالم اسمه ( جيمس هنريبرستيد ) https://t.co/JBmBn0VbNJ

و ده شاف أن كلمة فرعون هي اشتقاق من ( بر - عا ) بمعنى البيت الكبير وأنها بيشار بيها إلى الديوان أو القصر الملكي زي كدا الباب العالي ايام الدولة العثمانية أو حتى البيت الأبيض حاليا .

لكن السير آلن جاردنر رفض الكلام ده في كتابه (مصر الفراعنه). https://t.co/OZLiinC5Dc

وقال اننا لو استخدمنا مصطلح فرعون بالنسبه لاي ملك قبل ملوك الأسرة ١٨ ف ده خطأ بيغير احداث تاريخية .

وعلماء اثار تاني زي السير ( آرثر إيفانز و آلن شورتر ) إن بر عا هي البيت الكبير و ملهاش اي علاقه بالملك أو اسمه.