ف ماتش الافتتاح بتاع كاس العالم ?التونسي عصام الشوالي عمل مقدمة تاريخية بيمدح ويمجد فيها العرب و ف وسط المدح قال جملة حلوة اغلبكم ماخدش باله منها وهي جملة " نحن من علمكم كل شئ واسالو شارلمان عن ساعة هارون الرشيد" طب انت بقي تعرف مين هو شرلمان طب تعرف ايه هي ساعة هارون الرشيد ؟ https://t.co/u9qlQlYGcv

هارون الرشيد ده كان خليفة المسلمين في عهد الدولة العباسية وشارلمان ده كان كان ملك مملكة الفرنجة وامبراطوريتهم اللي هي فرنسا حاليا

فكان شارلمان في الوقت ده بيرسل ناس من رجالته يتعلمو من العرب كل شئ في بغداد

وبعد لما يخلصو تعليم وكل حاجه يرجعو بلدهم تاني

وهما راجعين هارون الرشيد كان بيبعت معاهم هدايا

علشان يدوها للملك شارلمان

وف هارون الرشيد ارسل للملك شارلمان ساعة مائية جميلة جدا مصنوعه من النحاس وطولها 4 امتار والساعة دي كانت بتشتغل بقوة دفع الماء جواها فكانت كل ساعه بيسقط منها كور معدنية فوق قاعده نحاسية فكانت بتعمل صوت جميل

والكور دي كانت بتقع علي حسب الساعه وتوقيتها يعني لو الساعه واحدة كانت بتقع كورة واحدة ولو الساعه 2 كانت بتقع كورتين ، ولو الساعه 7 كان بيقع منها 7 كور وهكذا حسب توقيت الساعه ف نفس الوقت الساعه دي كان موجود فيها 12 باب بيخرج منها فارس حسب عدد الساعات ويلف ويرجع تاني مكان ماخرج

لو الساعه 1 يخرج فارس واحد ولو 2 يخرج فارسين لحد الساعه 12 يخرج 12 فارس

وكانت الساعه دي في الوقت ده حاجه اختراع مش موجوده عند حد في العالم كله

ومن عظمة الساعة دي في الوقت ده الملك شارلمان كان متعجب جدا من نظام الساعه دي وحاول يحل لغزها وهي بتشتغل ازاي ماعرفش https://t.co/W7b3I1k9ea