ايام ما مسكت مديره مدرسه في ٢٠٠٨ كان اهم موضوع اتناقشت فيه مع صاحب المدرسه حتى قبل المرتب هو نظام الموظفين ومع ان دي كانت فرصه بالنسبه ليا كبيره ومش هتتعوض ابدا خصوصاً في سني الصغير بس مكنش عندي استعداد للتنازل ع الموضوع ده.
كلمت الحاج حسن رحمه الله عليه وقلتله انتوا بتبنوا مبنى1
جديد للمدرسه الفرنسيه فياريت تعمل حساب ان حجرات المدرسين تكون جنبها او ملحق بيها حمام عشان ميتمشوش في الممرات مشمرين البنطلون او بشبشب عشان الاستاذ او الاستاذه رايح يتوضأ ولو هتعمل حجرات للستات و حجرات للرجال وده انا مش معاه ياريت يفهموا انها مش حجرات نوم بيتهم ولا صالون 2
وايوه ان طبيعي الطلاب تدخلها بعد اخد الأذن ومينفعش طالب يشوف منظر مزعج زي مدرس ممد او مدرسه خالعه رأسها.
وبالنسبه للعاملات لازم يكون ليهم مكان مخصص يأكلوا فيه ويشيلوا أغراضهم الممرات مش مكان لده.
اللي عنده حصه مش هيتأخر عليها عشان بيصلي او مستني ضهر يأذن وبعدين يصلي ويدخل حصته3
المدرسين لازم يفهموا ان الدنجله في الممرات والرغي مع بعض في حياتهم الشخصيه ع أبواب الفصول ممنوع.
اكلات ذو ريحه مزعجه مش هتدخل المدرسه ومفيش ديش بارتي غير بإذن مسبق.
مشرفين الباص هيسلموا الاولاد للمبنى وهياخدوهم م المبنى للحضانه والابتدائي.
اي لفظ خارج ع حدود الأدب له عقاب 4
الغياب بتبلغ بيه بدري او قبلها بيوم عشان المسؤول ع توزيع الحصص الفاضيه يقدر يشوف شغله قبل ما اليوم يبدأ وميحصلش هرج ومرج ومفيش حاجه اسمها تبديل حصص حبي لازم يرجعوا للمسؤول عشان يبقى ع علم.
محدش من الشنبات يعلق ع لبس مدرسه لا في رمضان أو غيره فيه كود لبس طول ما الكل ملتزم خلاص 5
