صباح الخير...
♦️ أخبار الكوكب..... وجمعة مباركة♦️
هات كوباية الشاي وتعالى علشان هناخد لفة ف أخبار الكوكب
ومطولش عليكوا .... وقولولي طول
♦️إنجلترا....
عارفينها طبعا....!!!
بتاعة نحرك الاساطيل البريطانية لأي مواطن إنجليزي عايز يبوس الواوا
أيون حضرتك بتاعة الإمبراطورية التي لا تغيب عنها الشمس.....
خلاص يا عم الحج ما راحت عليهم و هتغيب
جريدة ذا صن البريطانية طلعت إمبارح تقول ....
سيتم قطع الكهرباء بشكل ممنهج من اول ديسمبر وذلك لتخفيض فاتورة الطاقة
إيه ....بتقول إيه ؟؟؟
بقولك هيقطعوا الكهربا ف لندن يوميا بشكل ممنهج لتخفيف فاتورة الطاقة...... طب سلام ...سلام...سلام
لا سلام إيه...... تعالى هنا انا مكملتلكش باقي الخبر ....!!!
ذا صن البريطانية كملت وقالت والله المواطن الإنجليزي اللي مش هيعجبه حال البلد وهيقول اللهم هجرة....
هنقوله على أفضل وجهة سياحية ومش مكلفه وهيعيش هناك بكرامته
وأعلنت ذا صن البريطانية عن شركة إيزي جيبت اللي عاملة عرض إقامة فمصر ٢٨ يوم ف الغردقة ب ١٠٠٠ جنيه استرليني شاملة الانتقالات
بيقولك إيه بقا من ساعة ما نزل المقال ده ف ذا صن....
كل الشعب الإنجليزي بيعمل سيرش على موقع الشركة وحجزوا كل الأماكن.
مش كدا وبس
دا كمان بقا في سوق سودة ف انجلترا هناك على تذاكر السفر لمصر ف ديسمبر القادم وهيكون في هجوم من الإنجليز على مصر علشان يقضوا الشتا كله فمصر
