الكلام الجاى ده مهم جدا جدا للكل
ازاى تقدر تحمى نفسك على قد ماتقدر من الاصابه بفيرس #كورونا؟؟
١- خليك بعيد عن اى شخص قدامك مسافه متقلش عن ٢ متر على قد ماتقدر حتى لو الشخص اللى قدامك معندهوش اعراض الانفلونزا لأنه ممكن يكون حامل للفيرس ومش مصاب بيه
٢- على قد ماتقدروا ابعدوا عن التجمعات الكبيره من فضلكم
٣- بلاش البوس الايام دى والنبى
٤- استخدام معقمات الايدى زى الديتول او الهايجين وغسيل الايدى بصفه منتظمه ده مهم جدا جدا علشان مانبقاش حاملين للفيرس من غير مانحس
٥- فيتامين سى مهم جدا لمساعده الجهاز المناعى انه يقاوم اى فيرس
٦- شرب مياه بكميه كافيه من فضلكم
٧- اى حد عنده دور برد ولو خفيف ياريت يعزل نفسه عن باقى اسرته علشان الكورونا اقرب لينا كلنا اقرب مما اى حد يتخيل
٨- على قد مانقدر نلبس ماسكات من فضلكم خصوصا ف الاماكن الزحمه ومحدش يقول المنظر ومش عارف ايه والكلام الفاضى ده
٩- بلاش مضاد حيوى ع الفاضى والمليان نبوس على ايدكم
١٠ - اى حد عنده رشح وزكام + كحه ناشفه + درجه حراره عاليه
ياربت يطلع ع الحميات او لو فيه رقم طوارئ حد ينزله فى الريبلايز
وربنا يحمينا ويحميكم ان شاءالله
