١٠ مبادئ أساسية للنجاح عموماً.
#ثريد ?
لو مش فاضي أحفظ الثريد عندك وشوفه بعدين، ومتنساش تعمل #ريتويت ❤️
١. صحتك قبل أي شيء
للأسف الشديد، معظمنا في الغالب بيجي على صحته على حساب حاجات تانية زي الوظيفة أو الشغل ظناً منه إن دا الشيء الصح، ولكن الشغل اللي أنت بتضحي عشانه بصحتك، لو جرالك حاجة، هيجيب حد مكانك تاني يوم.
بدون صحتك، مفيش معنى للشغل ولا للفلوس ولا لأي حاجة. https://t.co/O6gOGcfeUK
٢. النجاح بياخد وقت، بس دا شيء ضروري.
نبات البامبو بيقعد سنين مايطولش وبعدين بيطول حوالي ٧٥ سم في اليوم، طول السنين دي عمال يدب بجدوره في الأرض عشان تتحمل طوله الكبير بعدين.
جدور النجاح هي التضحية والمرور بفشل متكرر والتعلم منه والمثابرة، والحاجات دي بتاخد وقت، بس هتسندك بعدين. https://t.co/bwVB5KYUvS
٣. ما تسمعش لكلام كل الناس.
لو أخدت رأي كل الناس، فتأكد انك هتوصل بنسبة ١٠٠٪ للقرار الخطأ.
رأي الناس فيك وفي مشوارك بيكون من وجهة نظرهم الشخصية وتجاربهم ورحلتهم في الحياة، واللي بكل تأكيد بتكون مختلفة عن حياتك ورحلتك.
رأي أي حد فيك لا يعبر عنك قدر ما بيعبر عن الشخص نفسه. https://t.co/jGiTrGxKAO
٤. التليفون إما يخليك شخص خارق، أو يسجنك ويستعبدك.
التليفون إما إنك تكون سيده، أو هو اللي يبقى سيدك. هو شيء لو روضته وعرفت تتعامل معاه بوعي هيساعدك في مشوارك وفي حياتك، أما لو تركت الحبل على الغارب وسبت نفسك ليه، هنا هيسرق وقتك وطاقتك ونفسيتك.
اتعلم انك أنت اللي تسوق التليفون. https://t.co/3b0ZNH4cxD
