بس يا جماعة الأزمة ديه حتطلع شوية أفلام محصلتش وكلها من قصص واقعية وبأرشح القصص

1- قصة الدكتور إللي أكتشف المرض وبلغ عنه ثم هدد بالسجن وفي الأخر مات بيه والحكومة أعتذرت لأهله

2- قصة الرئيس اللي فضل يكذب الموضوع ويهون بيه لغاية ما المرض وصل عنده فطلع يقول أنا حذرتكم من أول يوم

3- قصة البلد اللي أهلها كبروا دماغهم من الفيروس وطلعوا يشموا هوا مع بعض لغاية ما اتعمل عليهم حظر تجول والأموات صاروا بالالاف

4- قصة البلد اللي الهوس الديني بتاعها خلالهم عندهم الالاف الموتى في ظرف أسبوعين

5- قصة شركات الطيران اللي فضلت تنهار شوية بشوية لغاية ما قفلت الهب بتاعها بالكامل وجميع طائرتها ال 1800 بقت على الأرض

6- قصة الشركة اللي لقت دوا مبشر للفيروس فعرضت عليه حكومة أجنبية أنها تنقل مصانعها عندها عشان تحكتر الإنتاج ليها لوحدها

7- قصة جهاز المخابرات اللي عمل عملية مخابراتية عشان يشتري أجهزة فحص وفي الأخر طلعت بتكشف عن فيروس تاني

8- قصة الدولة اللي صادرت شحنة أدوات طبية موجهة لدولة تانية لما عدت عليها عشان هي عندها نقص فيها وتتحرق الدولة التانية

9- قصة رئيس الوزراء اللي طلع كلم مواطنيه عن مناعة القطيع وبعدها بيومين لما رقم الأصابات بدأ يزيد خاف ورجع تاني يمشي على الصراط المستقيم

10- قصة الدولة اللي فضل تضرب في التقارير وتخبي إنتشار الفيروس لغاية ما الموضوع وصل لنقطة اللا عودة