ثريد: ٤ طرق بسيطة لتحديد العلاقات الروحية او علاقة تؤام روح او تؤام شعلة من الخريطة التوافقية.
الجزء الأول ١
#أبراج #خرائط_فلكية https://t.co/SgvfPmzc6k
من كام يوم سألنا عن مدي اقتناعك بوجود علاقات مماثلة والنهارده هنتكلم عن دلالات العلاقات دي في الخريطة التوافقية. سواء مقتنع بالفكرة او لأ الثريد دي هتكلمك عن الاشخاص اللي انتمائك اليهم هيبقي قوي وغير مبرر في نفس الوقت او الاشخاص اللي بيجمعك بيهم شئ مميز ومختلف لو تحب تشوفها كده.
١. اتصالات كايرون وبعض الكواكب الشخصية:
عادةً اتصالات كايرون والكواكب الشخصية بين الطرفين بتكون نادرة ومميزة والمقصود هنا كايرون طرف مع قمر، زهرة او طالع طرف تاني ومش كايرون مع كايرون. وافضل الاتصالات هي الاقتران والمعاكسة لأن التربيع مش الافضل في الحالة دي. طاقة غريبة ومؤثرة.
٢. اقتران قمر الطرفين:
اتصال لما تشوفه في الخريطة يخطف انفاسك لأن مش هتشوفه كل يوم. احياناً الوضع بينهم بيكون مريح بشكل غريب حتي لو الخريطة رايحة في داهية هتلاقي الرابطة اللي بينهم مميزة وسهل يحسوا انهم نفس الشخص. الاتصال بجد مميز ومحتاج تتعمق في الخريطة عشان تعرف هيوصلهم لفين.
٣. العقدة الشمالية والعقدة الجنوبية:
صعب نعمل ثريد زي دي من غير ما نتكلم عن اتصالات عقد القمر في الخريطة التوافقية، بس لاحظ حاجة مهمة هنا لازم تكون درجة الاتصال قليلة او صغيرة غير كده ولا هيبقي ليها تأثير. في ناس بتشوف اتصالات العقدة الشمالية افضل انا بشوف ان الاتنين واحد ?
