10 أكتوبر 2021 .. محمد منير بيكمل 67 سنة، واليوم دة أنسب يوم عشان انزل الكلام دة .. عن الشيء اللي اتعمل من 40 سنة بيعدوا بالتمام والكمال في 2021 https://t.co/MiZrX9K6bM
بعد ألبومين نزلهم محمد منير "أمانة يا بحر" وعلموني عينيكي، وإعادة توزيع أمانة يا بحر عشان يبقى بنتولد، كانت الانطلاقة الحقيقية لمحمد منير اللي أثبت بيها إنه مش مجرد صوت جديد على الساحة ولا صوت مختلف، وإنما هو مشروع أسطورة .. شبابيك 1981
مفيش مصدر يؤكد المعلومة أو ينفيها، لكن أغلب المصادر بتقول إن ألبوم شبابيك هو أكتر ألبوم باع عدد نسخ في تاريخ مصر (باع عدد نسخ مش حقق إيرادات) ودة ممكن يكون مفهوم لأن الفترة دي كان شبابيك شيء مختلف،
تجربة علموني عينيكي كانت مثيرة لفضول المستمع عشان يشوف مين الولد الجديد أسمر وشعره منكوش وبيغني للبحر وإيه موضوع يا عذاب نفسي ويا بلاد يا غريبة والرزق على الله؟ .. إيه بنتولد طاهرين دة وغريبة ومش غريبة ويا عروسة النيل وأكلم القمر؟ .. هايعمل إيه مع الناس اللي هايتعاونوا معاه دول؟
وفي الحقيقة الألبوم عشان يبقى متكامل كدة كان لازم فعلا يكون في تعاون مع أساطير تانية اشتغلت على الألبوم دة مع محمد منير عشان يطلع بالشكل المتكامل والرائد دة .. وهم
