" ثريد"
دي يازول نصيحه ممكن تتقبلها
وممكن لا
وممكن عادي تتجاهلا:
١- قول للزول المهم في حياتك إنو مهم ومهم شديد كمان.
٢- ما تعلم أولادك يعملو شنو في مواقف معينة، ختهم في المواقف دي وشوف حايعملو هم شنو
٣- هل إنت سبب في سعادة أقرب الناس ليك؟ الإجابة حاتحدد قوة إرتباطهم بيك.
٤- إهتمامك بيهم بأسلوبك يرضيك،
لكن إهتمامك بيهم بأسلوبهم يرضيهم.
إهتمامك بيهم بأسلوبك فعلياً أنانية.
إقراها تاني
٥- أمك وأبوك وإخوانك،
أمك وأبوك وإخوانك،
أمك وأبوك وإخوانك.
٦- ما تلوم نفسك لكن لوم الأسباب،
لوم تقصيرك لكن ما تلوم نفسك.
تقصيري هو السبب بس ما أنا السبب، شايف الفرق؟
٧- عقولنا غير قادره على إستيعاب عظمة وكرم ربنا.
تخيل إنو بيرزق وينجح واحد ما معترف بيه!
٨- كرم ربنا عليك ما بس في نجاح و رزق و توفيق،
كرم ربنا عليك ممكن تكون في بلاوي منعها عنك،
والغريب إنك ما حاتعرّفك هو منع عنك شنو.
٩- الفقر إبتلاء،
والغنىٰ إبتلاء أشد من الفقر.
الشخص الغني متاح له كل ماهو سيء،
بس الفقير لأ.
١٠- منك لله يا بشه،
وربنا يجازيك خير يا حمدوك،
ودا ما كلام سياسي بالمرة
١١- ربنا يحفظ الشعوب الاسلاميه والمسلمين قوى الخير الواقفين لقوى الشر في العالم.
ودا برضو ما كلام سياسي بالمرة.
