في الثريد ده - ثريد طويل شويه ? - هحاول اعمل system design لـfacebook hashtags autocomplete و اللي ممكن يكون سؤال في انترفيو او بالخطوات اللي فيه يبقي عندك خلفيه لما تيجي تشتغل علي اي feature ممكن تخططلها ازاي https://t.co/8KG3aer0UT
في البداية خليني بس اوضح ان في الـ System design مفيش اجابات نموذجيه و الاجابات بتختلف حسب تفاصيل النظام اللي احنا هنعمله و ان لو حاجه بس صغيره اتغيرت ف المعطيات ممكن تغير التصميم كله.
بالتالي الكلام اللي انا هقوله ده من خبرتي الشخصية و مذاكرتي و التجارب اللي عملتها في شغلي. ومش حاجه اكيده و تثق فيها. ممكن تعمل سيرش عن اي نقطه هتتقال و تتاكد ايه الحلول الصحيحه اللي ممكن تتعمل.
في البداية محتاجين نعرف ايه هو الـ hashtag .. و بشكل مختصر هي بتبقي كلمه واحده (قد تحتوي عدة كلمات و بيتم الفصل بينهم بعلامة _ ) لكن في النهاية هي كلمه واحدة. ولازم تبدا بـ# و بنقدر من خلال الهاشتاج نعرض كل الposts اللي تم ذكره فيها.
ف نقدر نقول ان الهدف من النظام اللي هنعمله هو تسجيل الـ hashtags اللي بيتم استخدامها علشان بعد كدا اليوزر لما يكتب اي هاشتاج نقدر من خلال اول ٣ احرف مثلا نعمل autocomplete من الهاشتاجز اللي موجودة عندنا و ممكن يتم ترتيبهم حسب الاكثر ذكرا بحيث اننا نعرض ال trends الاول.
