قريت مقال عماد أديب،
وأول رد فعل كان "الأفاق ده عايز مننا إيه؟!"
بس بعد دقايق تفكير لقيت المقال صح،
صح بالمعنى المجاري،
فعلياً داس كل الزراير اللي كلنا عارفينها وحط جنبهم صورة نهائية صادمة للجميع.
خليني أشارك معاكم وجهة نظري، بس خلينا الأول نحط كام نقطة أساسية لتقييم المقال
1
النقطة الأولى: هل عماد أديب هو الناصح الأمين؟ بالقطع لأ قولا واحدا.
التانية: هل ولاءه لمصر؟
بالأمانة لا أعتقد إن ولاءه لحد أو حاجة غير مصلحته الشخصية.
التلاتة: هل ولاءه للسيسي والنظام الحاكم وخايف عليهم؟ برضو لأ قولا واحدا.
الرابعة و الأخيرة: هل كلامه صح؟ أيوة صح لحد كبير
2
طيب يبقى القاعدة الرئيسية لتقييم المقال:
المقال موجه للسيسي
الكاتب ربنا آتاه قدر كبير من البلاغة ومهارات التواصل بس مفتقد للأمانة في الطرح والهدف.
يبقى نحاول نصفى المقال من العوامل المحيطة و ناخد منه المفيد مع مراعاة عدم الإنحياز لتوجهات الكاتب.
3
لو هحاول ذكر مراكز القوى في مصر:
- السيسي وحكومته
- المخابرات الحربية دراعه اليمين
- الإعلام الحكومي الفاشل
- المخابرات العامة المسيطرة على الداخلية والوزارات،
- الأزهر والإسلامجية
- الإخوان، وتحالفهم مع:
-الحزب الوطني وأبناء المخلوع
طيب إيه الواقع؟
الواقع المواطن مش مبسوط.
4
طيب إيه الخلفية؟
الخلفية ان السيسي رئيس طموح وقرر يعمل إصلاحات طموحة بالإعتماد على دراعه اليمين و ضارب عرض الحائط بكل الباقيين، وفلسفته إن الكل لما هيشوف نجاحه هيمشي في سربه،
و لكن أتت الرياح بكل ما لا تشتهي السفن، وطقم السفينة والركاب مش كلهم معاه.
5
