هم ليه فى بريطانيا وبعض الدول العربيات بتمشى عالشمال وعجلة القيادة عاليمين؟

عندنا وفي معظم دول العالم، بتكون السواقة على اليمين دايمًا ومقعد السواق او الدركسيون بيكون على شمال العربية.. لكن إشمعنى في بريطانيا وبعض الدول، بتكون السواقة على الشمال والدركسيون بيكون على اليمين؟!

يتبع https://t.co/4G1f4ULT07

هو الموضوع قديم جدًا من قبل العصور الوسطى حتى ومتوارث من أجدادهم الفرسان.. هنحكى ليه فى حكاية بسيطة هتكون انت بطلها

تخيل نفسك معايا عايش في انجلترا في العصور الوسطى..تخيل نفسك فارس لابس درعه الحديدي وبيتجول وسط المملكة على صهوة حصانه وفي جانبه الأيسر السيف بتاعه مربوط حوالين وسطه

(معظم الفرسان كانوا بيستخدموا ايديهم اليمين وعالاساس دا بيتم تصميم السيف، اما الايسر بيتصممله سيف مختلف شوية وبيربطه على وسطه في الجانب الايمن).

المهم إنه وانت بتتجول على طريق فاضي، لاحظت فارس تاني جاي عليك من بعيد وعليه آثار ريبه وشك إنه ممكن يعملك حاجة فعلًا أو يهجم عليك بسيفه.

وقعد الفارس دا يقرب عليك ويقرب بحصانه وانت ماشي بحصانك وهتتقابلوا خلاص.. تفتكر إنت أحسنلك تمشي في الجانب الايسر من الطريق ولا الجانب الايمن؟!..

*تعالى نشوف السيناريوهين:

= الأول: إنت هتخليك على الجانب الايسر من الطريق، يعني هو هيجي يعدي جنبك في الناحية اليمين منك..

بمجرد ما هيظهر على الفارس اللي على يمينك اي علامات للهجوم، فانت بإيدك اليمين هتسحب سيفك من جنبك الشمال وعلى طول هتصد هجمه جايه عليك منه، او هتبارزه على طول، أو حتى هتغرز السيف في جسمه..

انت كده ايدك اللي فيها السيف اقرب ليه، جزء كبير من صدرك وبطنك وحوضك متغطي بدراعك