مساء الخير?
متيجوا نتابع اخبار الكوكب
وباس يا سيدي ومطولش عليكوا وقولولي طولي
ف خناقة كبيرة بين روسيا و اوكرانيا وألمانيا
شوف يا سيدي وما سيدك إلا انا.ألمانيا وروسيا إتفقوا على توصيل الغاز الروسي لألمانيا عن طريق خط انابيب اسمه السيل ٢ بس في مشكلة صغنونة خالص واقفة فوش ?
المشروع ده!!
اني في الفين كيلوا من خط الانابيب ده هيعدي تحت بحر البلطيق واوكرانيا وطبعا روسيا و اوكرانيا علاقتهم مش ولابد وتحسوا انهم ضراير على بعض ومقطعين بعض ف المحاكم وخصوصا بعد ما روسيا ضمت حتة صغنونة خالص منها اسمها جزيرة القرم وابقا احكيلكوا قصتها ف سرد تاني
اوم ايه?
ميركل امبارح اخدت نفسها و راحت أوكرانيا علشان تقنعهم ان الخط ده يعدي من اراضيها ويستفادوا ويا بخت من وفق راسين ف الحلال.
ودي تعتبر آخر زيارة خارجية لميركل وبعدها هتسيب المنصب وهتفضى بقا لبيتها وعيالها وجوزها اللي هتغسله رجله بالمية والملح و لسة يا قلب امها الغسيل والمكوى?
بالمناسبة يعني ..... ميركل من أنجح المستشارين اللي مسكوا ألمانيا دي كمان خلت إقتصاد ألمانيا نمبر وان ف اوروبا بدون مبالغة
وع الناحية التانية من الكوكب
ولسه ف كوكب افغانستان
وحاجات غريبة مش مفهومة بتحصل
يعني إيه إجلاء ٤٠ الف مواطن افغاني يروحو امريكا
وييجي ٢٠٠٠ افغاني راحو قطر?
و٢٠٠٠ راحو الإمارات
وييجي الف ونص راحوا انجلترا
وييجي الف ونص افغاني راحوا هولندا
وييجي الفين راحوا اسبانيا
الصراحة الموضوع ده هيجنني ومش فاهمة ليه مواطنين افغان بيجلوهم من بلدهم وبسرعة وخايفين عليهم
النهاردة بس عرفت ان دول اللي سلموا بلدهم تسليم مفتاح للامريكان وامريكا سلمتها?
