*عارف اخر نفق العباسية ؟
_ ايوه عارفه .
* فيه محل عصير قصب هناك عارفه ؟
_ ايوه عارفه .
* وحش ماتبقاش تشرب منه .
الافيه ده كان مشهور جدا لعادل إمام لما كان فى المحكمة و قاله للقاضى فى مسرحية شاهد ماشفش حاجة ، الحاجة الغريبة فعلا أنه وصف عادل امام كان صحيح تماما ، ??
(1)
كان فيه محل قصب فى نفس المكان و كان العصير بتاعه وحش جدا و الناس كانت عارفه ، الراجل صاحب المحل غضب جدا لدرجة أنه فكر يرفع قضية على عادل إمام لولا أنه حصل له حاجة غريبة ، اتفاجىء بعد عرض المسرحية إن الناس فعلا كانت بتيجى له من كل مكان علشان تدوق العصير بتاعه ??
(2)
و فعلا كان وحش علشان نوعية القصب اللى بيستخدمها كانت سيئة جدا ، لكنه كسب مكاسب مهولة لم يتخيلها طول عمره و تحول المحل الصغير بتاعه إلى محل كبير و أصبح غنى جدا و محله مشهور جدا رغم أنه ماحاولش يغير نوعية القصب و يصحح خطأه و يعمل عصير كويس .??
(3)
هو ده بالظبط اللى بيحصل و بنشوفه الوقتى على سوشيال ميديا ، نفس السياسة لكن بصورة متعمده و ليست صدفه كما حدث مع صاحب المحل ، فيديوهات زبالة و صور حقيرة و بوستات و مقالات قمة الجهل و التخلف ، و رغم كده بتطلع تريند ، ??
(4)
واحد يتعمد يطلع يخرف فى الدين أو السياسة أو يعمل اغنية أو رقصة أو اى هيافة و هو عارف ان الناس هتدخل تتفرج و هيحقق نسب مشاهدات عالية علشان الهيافة و الجهل الكبير ده ، حتى لو أن ٨٠ ٪ منهم داخل علشان ينتقد أو يشتم أو يمتعض . ??
(5)
