ثريد اليوم.. ثريد عميق شوية وبيتكلم عن نقطة بتمس ناس فينا واولهم أنا.

#الوحدة والعلاقات.

والثمن الغالي البندفعوا بسبب خوفنا منها.. https://t.co/KhRGiIVZkl

ما صعب انه نتفهم خوفنا من الوحدة.. من خوفنا نرجع لي بيت فاضي بعد دوام طويل ولا التلفون المافي زول معبرك فيهو اليوم كلو..

ولا عدم الموضوع البتحس بيهو يوم الجمعة لمن تكون مؤجز ومافي شي يشغلك عن إحساس الفراغ الما لاقي زول تملاهو معاهو..

كلنا عارفين العذاب والإحساس السيء البنحسو.

لكن الحاجة الما فاهمينها كلنا او أغلبنا، هو انه "خوفنا" من الوحدة عنده مشاكل تاني اكبر بي كتير من الوحدة.

الخوف دا مسؤول عن علاقات كتيرة غير سعيدة.. عن الاختناق الحاسين بيو.. وعن التعاسة المبكوتة اكتر من اي احساس تاني.

الخوف من الوحدة هو من أكبر المساهمين في الشقاء الأنساني..

خوفنا من الوحدة مسؤول عن قرارات كتيرة حزينة بنتخدها وبتحملنا عائق كبير جداً..

لو بس احنا قدرنا نعرف التكلفة بتاعت سوء الفهم البسيط دا في مخنا، حنقدر نلحق باقي العمر الفاضل لينا ونتعامل معاهو احسن.

ممكن نشوف عقوبات كتيرة مافي داعي ليها بنخت نفسنا فيها بسبب خوفنا من الوحدة،

كبداية، واهم شي الناس البتخاف من الوحدة بيغلطوا كتير في اختيار الناس البيختاروهم حولهم.. بيختاروا اول زول يقابلهم بدل ما يختاروا الزول الصح.. ما عندهم صبر يستنو الزول العاشر ولا العشرين عشان يختارو