التنقيب خسرنا كتير !!! قصة خام غرب تكساس الوسيط - العقود المستقبلية

بسم الله ..

النفط سلعة استراتيجية لا غنى عنها في الحياة اليومية، وسعر البرميل بيعتمد على ثلاث عناصر العرض، والطلب، والجودة (خام خفيف وخام ثقيل).

اي تغيير في عنصر من العناصر دي بيأثر في سعر البرميل، وعشان كدة النفط سلعة عالية التقلب (High Volatility) والتقلب السريع ده بينتج عنه خسائر.

يبقى كدة مينفعش الشركات تقف تتفرج على السعر وهو بيطلع وبينزل، لازم تشوف طريقة تحاول تثبت بيها الاسعار.

عشان تقدر تعرف التدفقات النقدية بتاعتها، وتحدد الموازنة، وتقلل من درجة تعرضها (Exposure) للخسائر.

وهنا بييجي دور المشتقات المالية (Derivatives) مثل:

• العقود المستقبلية (Futures )
• العقود الأجلة (Forward )
• عقود الاختيار (Options )
• المبادلات (Swaps)

كوسيلة للتحوُط من الخسائر المُحتملة وتثبيت الأسعار، وسُميت مشتقات مالية لأن قيمتها بتُشتق من حركة أسعار السلعة (النفط مثلاً) اللي المشتقة المالية بتحطاط من التقلب في سعرها، يعني تقريبا مش بتحتاج راس مال عشان تُنشئها.

✍️هنركز على العقود المستقبلية (Futures Contracts) وطريقة عملها في صناعة النفط.

سوق صناعة النفط فيه نوعين من المتعاملين(Market Participants) :