لما المهندس فرج عامر ساب رئاسة نادي سموحة كان بيكتب على السوشيال ميديا بوستات وتويتات غريبة وبعضها مضحك من كتر عدم منطقيته

صفقات للأهلي وإعادة ماتش السنغال ومصر وحاجات كتير

لدرجة إن البعض كان شاكك إنه مش حساب المهندس فرج عامر أو فيه حاجة غريبة ولدرجة إنه اتسأل في أحد البرامج

1️⃣

عن الموضوع ده وقال الناس كلها بتكتب إشمعنى أنا

وبعد ما رجع لرئاسة سموحة توقفت البوستات دي ورجع تاني للكلام المنطقي كمسئول

السؤال المهم هنا هو

إيه التغير اللي طرأ على المهندس فرج عامر؟

والتغير هو المنصب وكان السبب في البوستات الغريبة إنه يظل في الصورة بين الناس وماحدش ينساه

2️⃣

ياترى كام واحد بيكتب حاجات غريبة ومش منطقية علشان الناس تتكلم عنه

كام إعلامي وصحفي بيكتب حاجات هو عارف إنها تخالف العقل والضمير لمجرد إنه يظهر والبرامج تجيبه

كام شخص عادي بيكتب حاجات غريبة وشتايم يمكن برنامج يجيبه في مداخلة وحد يكتشفه

كام واحد بيضحك علينا

والإجابة الصحيحة كتير

3️⃣

المعيار على السوشيال ميديا مش المحتوى ولا الكفاءة إنما المعيار هو إزاي تقدر تلم أكبر عدد متابعين حتى لو بيشتموك

والمعيار عند البرامج هو عندك كام متابع وحجم التفاعل على صفحتك ومش مهم إزاي أو نوع التفاعل

حتى بعض الإعلاميين العرب أحيانا بيتكلموا عن الأهلي والزمالك بسلبية علشان

4️⃣

التفاعل برضه

أنا عندي أمثلة كتير من مصر وخارج مصر الوتر الأساسي هو جمع المتابعين وتحقيق الشهرة حتى لو على حساب العقل والمنطق وإهانة عقولنا والعبث بيها

إنما المهم تثير جمهور من الاتنين الأهلى أو الزمالك

صدقني يا صديقي إحنا عندهم مش أكتر من وقود علشان عربياتهم تمشي لتوصيلهم

5️⃣