نصايح للناس اللي ناوية تعمل شنط رمضان ده بناءاً لسؤال حد لحبايبنا رقيقي الحال❤️
١- كيلو الرز أحسن من ٣ اكياس مكرونة
المكرونة مش بتشبع وعشان تعمل حلة مكرونة لازم صلصة أو طماطم ودي تكلفة عليهم
أما الرز يادوب معلقة زيت وشكراً واي حاجة جنبه وتبقى غدوة ملوكي
٢- الفاصوليا أحسن من اللوبيا
في ناس بتاكل الاتنين وناس مش بتاكل اللوبيا بس محدش اعترض على الفاصوليا
٣-العدس حبيب الملايين كله بيحبه وفي إجماع عليه شغال صيف شتاء مش بيقول لا وأقل كمية ممكن تعدي اليوم وجنبه رغيفين عيش والحمد لله
٤- الزيت مهم جداً جداً وحتى الأسر اللي بتصرف تموين كمية الزيت مش بتكفيهم وخصوصاً بعد ارتفاع أسعار الزيت
الشاي والسكر مفيش بيت مش بيستخدمه
وحبايبنا عايزين فراخ .. اوعوا تنسوها
واهم حاجة اوعوا تنسوا كيس الملح?
الشنطة هتخلص بعد كام يوم وكيس الملح حيقعد شهر وكل رشة ملح بحسنة❤️
انا مقتنعة اننا خدامين الناس دي .. هم يؤمروا واحنا ننفذ
وكده كده احنا هنشتري وهندفع فلوس يبقى نجيب الأنسب لهم
ربنا يوسع رزق حبايبنا ويجري على ايدينا رزقهم
اللهم بلغنا رمضان غير فاقدين ولا مفقودين??❤️
