ثريد الفرق بين الرجل والمرأة في العلاقات..

حسن عاجباهو بت اسمها رشا , قرر يعزمها سينما في المول و هي وافقت و قضوا يوم لطيف .

بعدها بأسبوع عزمها على الغدا في Roots و برضو اتبسطوا جداً جداً .

بدو يتقابلوا بشكل متكرر و ماف زول فيهم مرتبط و الدنيا ماشة تمام . https://t.co/ZmqQYPuOt2

و في يوم و هو بيوصل فيها البيت قررت رشا انها ترمي القنبلة :

• "حسن , انتا عارف انو احنا بنطلع مع بعض لينا 6 شهور بالظبط؟ "
• *سكوت تام في العربية * و

رشا بتفكر : أكيد الجملة ضايقته , يمكن حس انو انا بفرض نفسي عليو , أو يمكن متخيل اني بضغط عليو انو تبقى في حاجة رسمية

و هو ما عايز أو لسة ما متأكد .

حسن قاعد يفكر اسي: لاحولاااا 6 شهور؟!!!

رشا : بس أنا زاتي ما متأكدة اني عايزة Commitment و برضو محتاجة Personal space عشان افكر انا عايزة شنو في العلاقة دي , هل انا محتاجة حاجة زي دي؟ طيب هل انا ممكن اعرسه؟

يا الله أنا لي روحي ما جاهزة اجيب لي شفع اسي !

حسن : 6 شهور يعني من شهر ٧ الفات , كانت العربية يادوب مارقة من الصيانة في الشركة, ديشااك ! انا كان المفروض اغير زيت العربية قبل شهر..

رشا : أكيد الود اتضايق , ظاهر على وشو و ما قال ولا كلمة , امكن انا فهمته غلط

امكن كان عايز يتقدم و خاف اني أرفضه.

حسن : هاخليهم يشوفوا المكنة دي تاني, الصوت دا لسه قاعد وشالوا مني ٢ مليون اولاد اللذينا عشان الزفت الكرنك دا.

رشا : الليلة الود دا زعل عدييل , لكن من حقه الصراحة, أنا حاسه بالذنب اني ختيته في الموقف ده, بس اعمل شنو انا لسه ما متأكدة.