السلام عليكم

توقف أغلب الدول عن الدعم العسكري الحقيقي سببه الرئيسي البرهان في نفسه

البرهان وقحت من بداية الانتقالية اتعاملو مع تركيا معاملة سيئة

تركيا بالواضح ما ضامنة البرهان عشان تبيع ليه سلاح مهم

لكن العملتو هي -مع قطر- انو عملو اتصالات للجيش السوداني مع إيران لمدهم بالسلاح https://t.co/HFlkuwvj9A

تركيا اتعذرت بي عقوبات نازلة على مؤسسات تابعة للقوات المسلحة -زي التصنيع الحربي- عشان تتفادى تقديم سلاح قوي زي البيرقدار للجيش السوداني، لكن في الحقيقة عشان البرهان بس

وتركيا لو دايرة عندها طرقها البتوصل ليك بيها الحاجات عن طريق شركاء إقليميين موجود لديهم السلاح

نفس النموذج دا ممكن نعمل ليهو قص ولصق لي أي دولة تانية كان ممكن تساعد الجيش

وأُس المشكلة انو البرهان طوال الانتقالية كان مشروع عميل إماراتي لحدي بداية الحرب بقى يتيم وتم اختيار متعهّد محلي بدله

حاليًا قدامو السعودية ومصر، لكن البرهان نفسه عندو شنو يقدمو لي أي جهة عشان يدعموه؟

وحتى السلاح الإيراني الجا ومعاه أفراد ما يُعتبر دعم حقيقي ولا حاجة بتأدي لي تغيير في موازين القوى على الأرض

ولا يطمح في ذلك وهو لسه عندو قوات في السعودية بتحارب الحوثي

وكذلك الوجود الأوكراني الخجول الذي لا يعدو كونه حملة إعلامية لفرقة النخبة الأوكرانية في العالم الثالث

الخلاصة انو السودان لولا البرهان وشخصيات زي ابراهيم جابر ما كان حيكون في حتة زي دي بيحارب براه

وكل التسليح البيجي حاليًا لا يرقى لمستوى "تحالف"، مجرد بيع وشراء بمقابل مالي وبعض الوساطات

ودا لا بيساعدك في حرب على المدى الطويل ولا بيغير ليك موازين المعركة