اذا ارتفعت عندك الحراره كيف تتصرف؟

هل التصرف السليم تطفي السيارة مباشرة؟

او تخلي السيارة شغالة حتى تبرد؟

هذي الاشياء تحددها انت على حسب الظروف اللي انت فيها

اذا السيارة قاعده ترتفع حرارتها وانت واقف

هنا تطفي السيارة مباشرة حتى تبرد لأن عندك مشكلة في التبريد https://t.co/aCXswH9O90

اما اذا ارتفعت الحرارة وانت طالع عقبة او وانت مغرز بالنفود او لأي سبب اخر يقصد به -ارتفاع الحراره بسبب جهد-

هنا الافضل تخلي السيارة شغالة وتطفي المكيف ويفضل تفتح كبوت السيارة حتى يكون التبريد اسرع https://t.co/mmajxdDddE

نرجع للي عنده مشكلة في التبريد وطفيت السيارة بعد ما تفتح الكبوت اول شي تشيك عليه الماء بطبيعة الحال

اذا كان ناقص عبه ماء بحرارة الجو وحاول تضيفه بكميات بسيطه حتى ترتفع حرارته تدريجي

لا تصب ماء بارد ممكن يكسر لك طبة الراديتر او يطق لك المحرك https://t.co/oMCM4oIXEi

اذا كان الماء مليان

انتظر السيارة لين تبرد وشغل السيارة وشغل المكيف

وروح راقب مراوح السيارة الكهربائية

هل اشتغلت او لا

ليش تشغل المكيف؟ لأن المكيف راح يعطي امر مباشرة لتشغيل المراوح

واذا كانت عندك مروحتين تأكد انها كلها شغالة بعض الاحيان تحصل وحده طافيه https://t.co/cDTOsXyseU

اذا الماء مليان والمراوح شغالة

شيك على خراطيش الماء في كل سيارة فيه اثنين كبار

امسكهم بيدك اذا كان واحد حار جدا

وواحد بارد نسبيا

فهنا بتعرف ان عندك مشكلة في بلف الحراره "معلق"

ومؤقتا اذا كنت بطريق سفر او شي ممكن تفك بلف الحرارة حتى توصل للوجهه https://t.co/TfHExMkGOB