عارف لما تعمل لحد كوباية شاي وتسأله عايز كام معلقة سكر ويقولك عايز نص معلقة ..ف تقوم إنت بقى من كرمك تحط له معلقة كامله او اتنين؟ بـ حُسن نيه عشان تخليه حلو ومسكر؟ وبعدين تتفاجئ إن لما ذاق طعمهُ معجبوش؟! والأغلب كمان إنه مش هيكمله! اهوه ده بالظبط بقى نفس المبدأ فـ معاملتك للناس،
متفرطش فالعطاء والسخاء والذوق مع حد مش مُدرك قيمتهم أو مطلبهمش أو مش عايزهم ومش هيفهمهم وساعتها هيتفهم العكس وهتخلق نقطة خلاف بينكم غير مرغوب فيها.. عامل كل واحد على قدر إدراكهُ للذوق والعطاء؛ إديله إللي هيفهمه ويستطعمهُ وشايفه مناسب له ف حياته، من غير زيادات وكرم هو مطلبوش!
لأن فالأخر هتكون غلطان؛ عشان ولا هو طلب زياده ولا إنت هتلاقي منه التقدير مقابل كرمك ده، بل بالعكس هتلاقي عكس اللي متوقعهُ.
