صباح الخير.....
ولو إنتوا مش متابعين أخبار الكوكب....
يلا هاتوا كوباية الشاي وتعالوا ناخد لفة ف الكوكب....
ومطولش عليكوا وقولولي طول....
♦️ ألمانيا....
جت الحزينة تفرح ملقتلهاش مطرح ...
بعد ما ألمانيا اعلنت انها ملت ٨٠٪ من خزانات الغاز علشان الشتا وكدا ...
راح بوتين قفل عنهم الغاز وقالهم معلش هنعمل صيانة لخط الغاز..
وهنغسل الخط ونكنس ونرش قدام شركة غاز بروم علشان ربنا يكرمنا ويرزقنا بالحلال
صدمه كبيره لألمانيا علشان مضطرة تستخدم الغاز اللي خزنته قبل ما الشتا ييجي
بس ألمانيا مسكتتش وطلع وزير الطاقه هناك وقال....
روسيا دولة ليست آمنه للطاقة
ردت روسيا وقالت ....
اللي يلعب الدح...... ميقولش أح
? كمان فكوكب ألمانيا....
الحكومة الالمانية أقرت حزمة مساعدات للشعب الالماني علشان الاسعار ...
ورصدت ٧٠ مليار دولار دعم
وهتصرف لكل الماني ع المعاش ٣٠٠ يورو
ولكل طالب ف الجامعة ٢٠٠ يورو على ان تصرف مرة واحدة
مش كدا وبس دي طلعت الحكومة الالمانية وقالت...
هناك أشهر صعبة تنتظرنا ف الشتاااء
وهنيالك يا فاعل الخير والثواب ..
هااااراسود ....
معقول الشعب الالماني بقا بياخد دعم زي بطاقة التموين عندنا كدا
هي الدنيا جرالها إيه يا جدعااان
