هنعرف في هذا التقرير قصة ترسيم الحدود بين مصر واليونان

■اولا قبل الدخول في اي تفاصيل لازم نعرف يعني ايه المياه الاقليمية ويعني ايه المياه الاقتصادية

■المياه الاقليمية هي منطقة تقدر ب12 ميل بحري من اخر نقطة للشاطيء والميل البحري يساوي 1852م يعني كل دولة بحرية لها 22 ك و 224 م https://t.co/nax4ppQd60

ملكها تعمل فيها اللي عايزاه ومحدش يقولها انتي بتعملي ايه تنقب عن غاز تصطاد منها سمك تبني فوقها فندق انت حر وتفرض ع المرور فيها رسوم وجمارك كمان

اما المياه الاقتصادية تمتد ل 200 ميل بحري يعني مسافة 370 ك و 400م لك الحق فيها ان تستفاد من كافة مواردها سواء بالتنقيب عن الغاز او الصيد

او اي مشروعات اخري

■بس المشكلة بقي لما تكون في منطقة زي البحر المتوسط تيجي تشوف مياهك الاقتصادية فين تلاقيها متداخلة مع دول تانية شمالا وشرقا ومفيش ترسيم لاي حدود ومحدش عارف اوله فين واخره فين فبيتحول البحر لغابة المستفاد فيها هو القوي ..

فتلاقي تركيا واخدة حق اليونان ومصر وقبرص

ومش هتعرف تشتكي لانك مفيش ترسيم لحدودك وساعات تلاقي اسرائيل بتستهبل وبتميل عليك من الشرق وانت ساكت واللي رايح واللي جاي بينقب عن غاز وهو ماشي

■ايام حكم مبارك مصر كانت مكبرة دماغها ولا بحر متوسط ولا بحر احمر ولا تنقيب عن اي شيء فكان كله عامل مياهك الاقتصادية ملعب كرة

ومن الاخر مش هتقدر تدخل مواجهة بحرية مع تركيا ايامها لانها كانت اقوي منك بمراحل غير وجع القلب والمشاكل فالراجل قال جملته الشهيرة كبر مخك ولما بنحتاج حاجة ادينا بنكلمهم يبعتولنا اللي عايزينه

■المهم الدراسات اثبتت ان البحر المتوسط عايم علي ابار غاز فكل الدول عنيها زغللت ..