خلى المعلومات دى فى بالك وانت بتكتب عقد سواء بيع أو ايجار أو مشاركه أو اتفاق :-

١ - العقد مش هيكون باطل لو مافيش شهود ماضين عليه المهم توقيع الشخص الى هيبعلك مش الشهود

٢ - العقد لازم يتكتب فيه تاريخ ماينفعش يكون فاضى وحضرتك تقولى نبقى نكتب التاريخ براحتنا

#المخابراتتبتزتركي

٣ - مافيش حاجه اسمها خالص الثمن حضرتك بتكتب فى العقد أن تمن الشيء المبيع كذا وتم سداد كامل الثمن بمجلس العقد ماينفعش تقولى اكتب خالص الثمن حضرتك مش بتشترى من كارفور ده عقد وله بنود وشروط

#عايزينانترنتغير_محدود

٤ - ياريت حضرتك سواء كنت بائع أو مشترى تمضى على كل ورقه بالعقد ومتستسهلش وتكسل .

٥ - فى فرق بين صحة التوقيع والتسجيل ومش كل العقود ينفع تتسجل فى الشهر العقارى .

٦ - مافيش حاجه اسمها تنازل على ظهر العقد ويبقى كده أشتريت الافضل كتابة عقد

#عالحديدة_ياسيسي

٧ - ياريت لما حضرتك تشترى شقه أو تأجر تاخد آخر إيصالات مياه وكهرباء وغاز علشان لو المشترى باعلك مش هتشوف وشه تانى وهتدفعهم

٨- صحة التوقيع مهمه وبتثبت تاريخ البيع وتوقيع البائع والمشترى وعلى فكره ينفع المشترى يرفع صحة توقيع على البائع وكمان ينفع البائع يرفع صحة توقيع على المشترى

٩ - لو حضرتك اشتريت شقه تمليك ومالكش حصه فى الارض والبيت وقع كده حضرتك مالكش اى حاجه يعنى حضرتك اشتريت حيطان بس .

١٠ - لو اشتريت شقه من واحد والشخص ده اتوفى بعد مابعلك من حقك ترفع صحة توقيع على ورثته عادى .