ثـريد || Thread ☢️.

• كل ما يخص اختبار الهيئة لتخصص :

" تقنية الاشعة التشخيصية "

حاولت اخليه شامل لجميع التفاصيل ويكون دليلكم الأول للاختبار واجتيازه باذن الله تعالى ???.

#SRTLE https://t.co/UTbgkf63Si

طريقة التسجيل في الاختبار :

الخطوة الاولى فتح ملف في ممارس بلس ، بعد ذلك استخراج رقم الاحقية وقيمته ١٢٠ ريال .

لطلاب الامتياز والسنوات الاخيرة راح يكون في فورم تاخذونه وتعبونه و يوقّع عليه عميد الكلية او الوكيل بأن لكم المقدرة على الدخول للاختبار ، طلاب السنة الاخيرة يمديهم يختبرون اي يمديكم !.

طلاب السنة الاخيرة و الامتياز والخريجين جميعهم قادرين على دخول الاختبار .✅

رابط الفورم للطلاب :

https://t.co/tU4MKwbDwQ

بعد ما ترفعون الخطاب تنتظرون يومين الى ثلاث ايام عمل راح يوصلكم على الايميل رقم الاحقية ( هو الرقم اللي تحتاجه عشان تحجز الاختبار )

بعد ما يوصلك رقم الاحقية بتروح لموقع الاختبار Promatric لحجز اختبارك برقم الاحقية تبعك ، وضعت لكم رابط ملف يوضح الية التسجيل في الموقع ??.

طريقة التسجيل في ممارس وموقع بروماتريك :

https://t.co/U9u8CunVtp

( الغاء اختبارك قبلها بـ ١٦ يوم ، بعدها في رسوم ٥٠ دولار)

رسوم قيمة الاختيار ٢٨٩ دولار ما يساوي ١٠٨٣ ريال .

درجة النجاح في الاختبار ٥٣٠ وفوق .

بعد النجاح ان شاء الله بيكون في رسوم قيمتها ٧٤٠ للتصنيف المهني ، ٢٠٠ رسوم طلب ، ٣٠٠ شهادة التصنيف ، ٢٤٠ التصنيف.

مجموع اللي تحتاجة عشان الاختبار واصدار رخصتك يساوي ١٩٤٣ ريال .??

الآن راح نتكلم عن تفاصيل الاختبار كاملة :

الاختبار مكون من ٢١٠ سؤال في ٤ ساعات ، مقسومة على فترتين ساعتين لكل ١٠٥ سؤال ، وبينهم بريك نص ساعة .

الاختبار يشمل عدة اقسام مع توزيعها نسبياً ( عدد الاسئلة لكل قسم ) حطيتها لكم بالرابط تقدرون تتطلعون عليه ، علماً بان التوزيع هذا رسمي من الهيئة في كتيّب اسمه Blueprint مو قدعنه مني يعني ?? .

رابط اقسام الاختبار ونسبة الاسئلة فيها :

https://t.co/K6U9MIcpWU

( علماً ان من وجهة نظري ماهي دقيقه مره ، بحسب كلام المختبرين بعض الاحيان في اقسام تزيد عدد اسئلتها عن نسبتها الموضوعة في Blueprint تبع الهيئة.)

نصيحتي لكم اطلعوا عليه مو تحفظونه اقروا عشان تفهمون محتوى الاختبار وراح يخفف عليكم كثير من التوتر ، من وجهة نظري هذي اول خطوة تسويها بعد حجزك للاختبار ??.

خـطة ومصادر المذاكرة :

الخطة تختلف من شخص لآخر وطريقة مذاكرته وظروفه فما تحكم على نفسك من اشخاص غيرك ، كل شخص وله وقته وايضاً استيعابه ومعلوماته ، الشخص اللي تخرج بحصيلة علمية كبيره يختلف عن اخر وهكذا ، فـ الشي هذا راجع لك لكني راح اشاركك خطتي اذا حاب تتبعها ???. https://t.co/hQEvsi1prJ

سؤال كبير يحير الكثير واللي هو مصادر المذاكرة ⁉️.

مصادر المذاكرة كثيره ومتنوعه ( ملفات ) وكلها متشابهة تماماً والاختلاف بسيط وليس جذري ، في منها المجاني لوجه الله وفي منها المدفوع ناس اشتغلت وتعبت ورتبت مع العلم ان حتى المجاني مرتب ، لكن خلني اوضح لك اشياء منها : مافي حاجة اسمها اشترك في الدورة و عندنا "اخر الاسئلة والتحديثات "لكن في شي اسمه تجميعات الشهر وهو قروب يضم المختبرين بنفس الشهر وكل يوم يرسلون فيه المختبرين وش جاهم من الاسئلة الجديدة او المكرره وهذا القروب راح يفيدك بإنك تتطلع على الاسئلة المكررة باذن الله تعالى وممكن تصادفك نفسها ، فـ سالفة اخر الاسئلة والتحديثات هذي ماهي صنع معجزه ، لانهم ياخذون الاسئلة من القروب هذا نفسه ! .