قاعدين نسمع كثير عن مرض كورونا ومدى انتشاره ووصوله إلى السعودية، ووش المفروض نسوي أو نأكل حتى ما يجينا؟

بتكلم في هالتغريدات عن معلومات مهمة عن الكورونا اللي البعض يجهلها ? https://t.co/LghH4EfMdv

أولًا وش هو فيروس كورونا؟

بكل بساطة كورونا هي عائلة كبيرة من الفيروسات تسبب أنواع من المرض اللي ممكن تكون مجرد نزلة برد عادية اللي تحدث للبعض باستمرار!

لكن انضم لهم فيروس جديد هو اللي قاعدين نسمع عنه الفترة الأخيرة ويسبب مضاعفات، وللمعلومية نسبة الأشخاص اللي تشافوا منه فوق ٩٠٪ https://t.co/gU5skqi1mc

عرفنا وش هو فيروس كورونا، طيب كيف ممكن ينتقل؟

أساس انتقال هالفيروس هي من شخص لشخص بعدة طرق مثل العطاس أو لمس الأسطح بعد الشخص المصاب وعدم غسل اليدين...

*يعني ممكن تجي العدوى من خلال الشحنات اللي توصل من الصين؟

❌ لا الحمدلله لأن الفيروس ما يعيش لفترة طويلة خارج جسم الإنسان. https://t.co/u3TjcqoCLn

وصلنا لأهم نقطة وهي كيف نحمي أنفسنا من العدوى؟

ضروري جدًا نعرف إن فيتامين سي ما راح يحميك من انتقال العدوى ولا تصدق الكلام اللي تسمعه عن ضرورة تناول فيتامين سي كفوّار عشان يحميك أو أكل الثوم وغيرها

إذا هدفك تقوية جهازك المناعي مارس نمط حياة صحي (أكل صحي ورياضة) ونام لساعات كافية

طيب وش الحل؟

لو كان فيه لقاح فهو أول حل للوقاية لكن إلى الآن ما توصلوا له

أفضل شيء ممكن تسويه الحين:

• عدم مخالطة الأشخاص المصابين
• غسل اليدين بالماء والصابون أو استخدام المعقم-كما في الصورة- لأن الفيروس يدخل جسمك عن طريق الفم أو الأنف أو العينين إذا لمستها بيدك وما كانت نظيفة https://t.co/XbLUiNqsEB