فشلت متل ما صار متوقع من كم يوم المبادرة الفرنسية، طبعاً هيدا فشل دبلوماسي لفرنسا بس شخصياً بضحكني جوقة الشمتانين بفشلها ، وكأنو المستقبل السياسي لماكرون او لو دريان معلق علبنان. بغض النظر من المسؤول؟ بالدرجة الاولى الثنائي الشيعي اي كلام تاني هو تعمية للحقيقة. ٥/١

بس كمان اصحاب نظرية خلي الوضع يخرب عالاخر ويتدمر البلد لنبني شي جديد او نظام جديد ومنهن ناس اصدقائي وبحترمهن للصراحة ما قادر وافق على هالنظرية. رفض كل الحلول الوسطية من دون طرح حلول اخرى وبغياب خيارات سياسية بديلة والوصول لمرحلة الجوع هيدا خيار في كتير مخاطر ٥/٢

لما الناس تجوع اذا نرفع الدعم وكمل الدولار بالارتفاع حنوصل لمرحلة حكم الزعران بكل حي او ضيعة ، طبعاً بظل الاحزاب السياسية .. بهيدي المرحلة ما حدا حيكون همو التغيير السياسي وهو تقريباً نحنا اصلاً وصلنالها ، الكل حالياً همو كيف يهاجر ، بكرا كيف ياكل وكيف يأمن دوا ٥/٣

فتمني او تفضيل انهيار الوضع بالمطلق هو كتير قاسي بحق غالبية الشعب اللبناني ما ننسى انو في حياة ملايين بالدق. بنفس الوقت الرهان على الوصول الى نظام افضل رهان كبير .. لان بظل الانهيار الشامل القوى التغييرية حتضعف وصوتها حيخف وهلي حيكتب النظام الجديد هني زعران الحي ٥/٤

والرهان كمان على متغيرات جيوسياسية (انتخابات اميركا )عم يعطي اهمية جيوسياسية للبنان اكبر من الواقع، واقعياً ما في الو اهمية ، شو السلاح ؟ هي والعالم جوعانة السلاح خردة ما الها قيمة ، الحقيقة انو الكل لعب لفترة طويلة على حافة الهاوية وهيانا صرنا عم ننزل للهاوية ٥/٥