-ثريد طرق المذاكره

[?] بما إننا مُقبلين على فترة اختبارات وتوتّر وقلق، قررت أسوي ثريد عن طريقة المذاكرة الصح بناءً على تجربتي واللي ناسبني.

•القاعدة الأساسية؛ ذاكر بذكاء، لا بجِد.

ايش معنى هالعبارة؟ يعني نستخدم استراتيجات/طُرق ذكية للدراسة بدل ما نبذل مجهود مُبالغ فيه للدراسة.

-حاول تستغل هالأسبوعين في مُذاكرة اللي تقدر عليه، طبعًا ما تذاكر المنهج كامل؛ ركّز على الجزئيات اللي ما اختبرت فيها ولا مرّت عليك. أما الجزئيات اللي أنت معتاد عليها واختبرت فيها اتركها إلى قبل الاختبار بيوم أو يومين.

-الأغذية المُفيدة للذاكرة وتعطيك طاقة: المُكسّرات (عين الجمل، الماكديميا، اللوز، الفستق، البندق، الزبيب)، السمك، الزعتر.

-ابعد عن مشروبات الطاقة أو حاول تقلل منها.

-النوم المُنظّم؛ إذا نظام نومك غلط مذاكرتك بتصير غلط وبتكون بدون نتيجة. https://t.co/1TcG87gdzv

-ابعد عن الجوال أو أي حاجة تلهيك. والأفضل لو تحطه بغرفة ثانية.

-مهما كنت مشغول، لا تهمل وجباتك الأساسية واحتياجك اليومي.

-تكلّم مع نفسك بكلمات إيجابية زي 'أنا قدها' 'المادة سهلة وبجيب فيها درجات حلوة'.

-قبل لا تبدأ بحفظ المعلومة، اقرأ المنهج/المحتوى قراءة سريعة وامسك هايلايتر، أشّر بالهايلايتر على المعلومات اللي تحسها مهمّة حفظًا لوقت الدراسة الفعلية.

-ردّد المعلومات بصوت عالي، كذا أنت قاعد توظّف حاستين للحفظ؛ حاسّة السمع والنظر. https://t.co/Ou82m2nHzi