مرحبا .. كثيير تجيني اسئلة عن #موريشيوس وكتبت عنها تقرير بانستقرامي وقت زرتها ب 2019 .. وللفايده بكتبه هنا ان شاء الله

الاسئلة اكثرها وينها ؟ وكيف اسعارها ؟ وتنفع للاطفال ؟ وخط السير والمنتجعات والجو ؟

اول شي بالنسبة للاسعار انتم تحددون لان بتفرق اذا سكنتوا منتجع ٥ نجوم او فلل عاديه او منتجعات اقل فئة .. هي جزيرة صغيرة في المحيط الهندي رحت لها بسبتمبر جوها كان مناسب وحلو ، الصيف عندنا شتاء عندهم والعكس .

#السعوديين ما يحتاجون فيزا لها ، الفيزا لمن توصلون المطار يعطونك ورقتين للشخص تكتبون البيانات المطلوبة ( نحنا اعطونا الاوراق بالطيارة وعبيناها حتى ما نطول بالمطار + لازم قلم معاكم )

#الطيران رحت على الخطوط الاماراتية مدة الرحلة ( ٦ ساعات ونص )

#الاسعار حسب وقت رحلتكم وتتراوح مابين ٢٢٠٠ الى ٣٠٠٠ وزياده شوي .

#العملة الروبية ( الريال الواحد يساوي ١٠ روبيات ومن مطار دبي صرفناه ٧ روبيات )

عملة الجزيرة منخفضة لكن الاسعار غالية وبالذات ال activity ( الانشطة ) .