ثريد بيبقى معي للتاريخ |

كيف أصبت بكورونا و كيف وضع كورونا و ايش صار معي وش الاعراض اللي ظهرت لي وكيف وضع المسحة و كيف اقضي وقتي بالحجر الصحي وان شاء الله قريباً اقلكم في الثريد اني تشافيت من كورونا ..

صراحةً قبل ماصيب بكورونا بفترة كنت اقول في نفسي كورونا هذا مب حقيقة معقول الى الحين ماشفت احد في محيطي او قريب مني أُصيب او شيء واكيد مرت عليكم هذي الفكرة لكن بالرغم من هذا كنت مأخذ احتياطاتي و بعد فترة ..

يوم الاربعاء 13 رمضان من عام 1441 احد الاشخاص بالدوام معاي جاء للدوام واستأذن بحجة انه يبغى يروح للمستشفى لانه تعبان و راح فعلاً وتم حجره ومشتبه باصابته بكورونا ماكنت قريب منه و لا خالطته ولكن خالطت شخص خالطه و كان يخش مكتبي ويجلس قدام مكتبي وكل هذا ماكان في بالي لسا ..

يوم الخميس 14 رمضان من عام 1441 داومت طبيعي و المعزول بالمستشفى مازال اشتباه و المخالط له بمكتبي موجود و كل هذا ماكنا نعرفه طبعاً وقتها ان اللي جالس قدامي مخالط المشتبه به واني خالطته الحين و انه مصاب هو و هو مايعرف انه مصاب حتى ..

يوم الخميس 14 رمضان نهاية الدوام سألنا المعزول وش عندك من اعراض ؟ قال سخونه و كحة و ضيق تنفس و صداع قلنا كفاية كفاية اسكت خلاص تأكدنا قبل ماتطلع نتيجة المسحة انها كورونا و رحت البيت و أرسلت بقروب العائلة بالواتس انا بالمجلس و راح اعزل نفسي هناك عشان فيه حالة اشتباه بالدوام ..